नागपूर
Use waste material in construction to Protect the environment: नितीन गडकरींनी बांधकाम व्यावसायिकांना केले आवाहन
रस्ते आणि इमारतींच्या बांधकामात वेस्ट मटेरियलचा वापर करणे काळाची गरज आहे. कारण आज बांधकामावर खूप मोठ्या प्रमाणात खर्च होत आहे. मजबुत व चांगल्या गुणवत्तेचे रस्ते निर्माण करणे. सर्वसामान्य लोकांना परवडेल अशा घरांची निर्मीती करणे महत्त्वाचे आहे, असे गडकरी म्हणाले. त्याचवेळी बांधकाम व्यावसायिकांना वेस्ट मटेरियलच्या वापरावर भर देण्याचे आवाहन गडकरींनी केले.
Nagpur येथे ऊर्जा व पर्यावरण विषयावर आधारित ‘ऊर्जावरण – 2025’ Urjavaran – 2025 या परिषदेत गडकरींनी संवाद साधला. ‘जल, ध्वनी आणि वायू प्रदूषणावर नियंत्रण मिळविणे, हे आज सर्वांत मोठे आव्हान आहे. दिल्ली येथे वायू प्रदूषणामुळे तेथील लोकांचे आयुष्य दहा वर्षांनी कमी होत आहे. सरकार त्यावर उपाययोजना करत आहे. पण आमच्या मंत्रालयाने पर्यावरण रक्षणाला सर्वाधिक प्राधान्य देत रस्ते बांधणीत वेस्ट मटेरियलचा वापर करून पहिले पाऊल टाकले आहे,’ असं गडकरी म्हणाले.
Local Body Elections : मुदतवाढीचा चेंडू विभागीय आयुक्तांच्या कोर्टात !
22 लाख कोटींचे fossil fuel
वातावरणातील बदलांमुळे आज जग अनेक समस्यांचा सामना करत आहे. त्यात वाहतुकीसाठी पर्यायी इंधनाचा मार्ग निवडणे गरजेचे आहे. इथेनॉल, मिथेनॉल, बायोडिझेल, इलेक्ट्रिक, सीएनजी, बायो-सीएनजीच्या वापराला सुरुवातदेखील झाली आहे. आपल्या देशात आज 22 लाख कोटी रुपयांचे फॉसिल फ्युएल आयात केले जाते. हा खर्च कमी करण्यासाठी पर्यायी इंधनाचा वापर गरजेचा आहे, याचाही गडकरींनी आवर्जून उल्लेख केला.
परलीपासून सीएनजी
अनेक ठिकाणी बांबू क्रॅश बॅरियर निर्माण करून आम्ही रस्ते निर्मितीमधील खर्च कमी केला. शिवाय पर्यावरण रक्षणातही हातभार लावला आहे. स्टीलच्या ऐवजी बांबुचा वापर रस्त्यांमध्ये होऊ लागला आहे. राईस स्ट्रॉपासून (परली) बायो-सीएनजीची निर्मिती होऊ लागली आहे. देशात सीएनजी निर्मितीचे 400 प्रकल्प कार्यरत आहेत. तुमसरमध्येदेखील एका प्रकल्पावर काम सुरू आहे. मनसर येथे राष्ट्रीय महामार्गावरील एक टप्पा बायो-बिटुमेनचा वापर करून तयार करण्यात आला आहे, असेही गडकरी म्हणाले.
