MLC Sandeep Joshi will inaugurate Mallakhamb : समृद्ध सांस्कृतिक वारशाचे होणार जतन
Nagpur : महाराष्ट्राच्या मातीतले पारंपरीक खेळ, शस्त्र यांना राज्यस्तरीय दर्जा देण्यासाठी सरकारने बरीच कामे केली आहे. विशेषतः आमदार सुधीर मुनगंटीवार सांस्कृतिक कार्य मंत्री असताना त्यांनी मराठा साम्राज्याच्या शौर्याचे प्रतीक असलेला दांडपट्टा महाराष्ट्राचे अधिकृत राज्यशस्त्र म्हणून घोषीत केला. त्यातच एक पाऊल पुढे टाकत आमदार संदीप जोशी शनिवारी (१२ एप्रिल) धंतोली उद्यानात मल्लखांबचे उद्घाटन करणार आहेत.
धंतोली उद्यानात सकाळी ८ वाजता हा सोहळा होणार आहे. हा मल्लखांब धंतोतील रहिवासी आणि या खेळाचे निष्ठावान चाहते शिरीष चक्रदेव यांनी उपलब्ध करून दिला आहे. पारंपरिक खेळाला प्रोत्साहन देण्यासाठी त्यांनी पुढाकार घेतला आहे. मल्लखांबच्या उद्घाटन समारंभाने पारंपरिक भारतीय खेळासाठी एक नवीन केंद्र सुरू होणार आहे.
Nitin Gadkari : इथे असावा प्रेम-जिव्हाळा, नकोत नुसती नाती ! गडकरींनी ऐकवली कविता..
चक्रदेव यांचा उद्देश नागपूरच्या तरुणांमध्ये या प्राचीन आणि शारीरिकदृष्ट्या मागणी असलेल्या खेळाला प्रोत्साहन देणे आहे. त्यांचा असा विश्वास आहे की, युवा पिढीला मल्लखांबाची ओळख करून दिल्याने केवळ या समृद्ध सांस्कृतिक वारशाचे जतनच होणार नाही, तर त्यांच्या शारीरिक तंदुरुस्ती आणि शिस्तीतही भर पडेल.
या उद्घाटन समारंभाला विधान परिषद सदस्य संदीप जोशी यांची प्रमुख उपस्थिती असणार आहे. आमदार जोशी यांच्या हस्ते मल्लखांबाचे उद्घाटन होईल.
धंतोली उद्यानात सरावासाठी आणि प्रशिक्षणासाठी उपलब्धता सुरू होईल. कार्यक्रमाच्या उत्साहात भर घालण्यासाठी, केचे यांच्या मार्गदर्शनात त्यांच्या क्लबमधील युवा talent मल्लखांब आणि रोप मल्लखांबचे चित्तथरारक प्रात्यक्षिक सादर करतील. हे युवा खेळाडू या पारंपरिक खेळात असलेले कौशल्य, चपळाई आणि लालित्य याची झलक दाखवतील.
CM Devendra Fadanvis : मुख्यमंत्री म्हणाले, माझ्याकडे पैसेच नाहीत, पाच लाख उधार द्या, FD करतो!
कार्यक्रमाला माजी नगरसेवक लखन येरावार, बबलू देवतळे यांच्यासह धंतोलीतील रहिवासी उपस्थित राहणार आहेत. सर्व मल्लखांब प्रेमी आणि इच्छुक लोकांनी मोठ्या संख्येने उद्घाटन समारंभाला उपस्थित राहून या पारंपरिक खेळाच्या प्रचाराला प्रोत्साहन देण्याचे आवाहन शिरीष चक्रदेव यांनी केले आहे.
