Five talukas in Buldhana declared ‘containment zones’ due to Lumpy outbreak : गुरे, म्हशी वाहतूक व बाजारांवर मनाई; प्रतिबंधात्मक उपाययोजना सुरू
Buldhana जिल्ह्यातील देऊळगाव राजा, मलकापूर, सिंदखेड राजा, खामगाव व चिखली तालुक्यातील काही गावांमध्ये लम्पी त्वचा आजाराचा प्रादुर्भाव झाल्याचे पुणे येथील पशुसंवर्धन रोग व अन्वेषण सहआयुक्त कार्यालयाच्या अहवालातून स्पष्ट झाले आहे. त्यानुसार या गावांना ‘नियंत्रित क्षेत्र’ म्हणून घोषित करण्यात आले असून, गुरांचे बाजार, वाहतूक व संबंधित कार्यक्रमांवर मनाई आदेश जिल्हा दंडाधिकारी डॉ. किरण पाटील यांनी निर्गमित केला आहे.
नियंत्रित क्षेत्रातील गावे
देऊळगाव राजा तालुका : खल्याळ गव्हाण, सिंनगाव जहागीर, पांगरी, अंढेरा
मलकापूर तालुका : मलकापूर शहर
सिंदखेड राजा तालुका : दरेगाव, साखरखेर्डा, उमणगाव, पांग्री काटे
खामगाव तालुका : शीर्ला
चिखली तालुका : केळवद
वाहतूक व बाजारांवर निर्बंध
नियंत्रित क्षेत्रातून गुरे, म्हशी प्रजातीचे प्राणी अन्यत्र किंवा बाहेर नेणे-आणणे बंद करण्यात आले आहे. बाधित प्राण्यांच्या संपर्कात आलेले वैरण, साहित्य, कातडी किंवा अन्य उत्पादने बाहेर नेण्यासही मनाई आहे.
Prataprao Jadhav-Siddharth Kharat : अतिवृष्टीग्रस्त शेतकऱ्यांच्या मदतीवरून पेटला श्रेयवाद
१० किमी परिसर ‘बाधित व निगराणी क्षेत्र’
चिखली तालुक्यातील केळवद येथे लम्पी प्रादुर्भावाचा अहवाल प्राप्त झाल्यानंतर, संसर्ग केंद्रापासून १० किलोमीटर परिसर बाधित व निगराणी क्षेत्र म्हणून घोषित करण्यात आला आहे. या क्षेत्रात गुरांचे बाजार, शर्यती, जत्रा, प्रदर्शन यांनाही बंदी आहे.
प्रतिबंधात्मक उपाययोजना
स्थानिक स्वराज्य संस्थांना परिसरात किटक निर्मूलन, स्वच्छता व फवारणी करण्याचे आदेश दिले आहेत. बाधित जनावर मृत झाल्यास पशुवैद्यकीय अधिकाऱ्यांच्या मार्गदर्शनानुसार शास्त्रोक्त पद्धतीने विल्हेवाट लावावी. निरोगी जनावरे वेगळी ठेवून त्यांना आवश्यकतेनुसार प्रतिजैविके द्यावीत. बाधित क्षेत्राच्या ५ किमी अंतरातील गो व म्हैसवर्गीय पशूंना गॉट पॉक्स लसीकरण करण्याचे निर्देश दिले आहेत.
Unauthorized Ration Cards : मोहिमेत आढळले ३३ हजारांवर अपात्र रेशनकार्डधारक!
नागरिकांनी कोणतीही अडचण किंवा शंका असल्यास संबंधित पशुवैद्यकीय अधिकारी, ग्रामपंचायत किंवा जिल्हा पशुसंवर्धन विभागाशी संपर्क साधावा, असे आवाहन करण्यात आले आहे.
