Ward-Wise Reservation for Members Announced : प्रस्थापितांना धक्का; इच्छुकही हिरमुसले, नव्या प्रभागाचा शोध सुरू
Amravati जिल्ह्यातील १० नगरपालिका आणि २ नगरपंचायतींमध्ये तीन वर्षांपासून चालू असलेल्या प्रशासकीय राजवटीचा अंत होणार असून, निवडणूक प्रक्रियेला वेग आला आहे. पहिल्या टप्प्यात नगराध्यक्षांचे आरक्षण जाहीर झाल्यानंतर सदस्य प्रभागनिहाय आरक्षण जाहीर करण्यात आले.
या आरक्षणामुळे अनेक ठिकाणी इच्छुकांचे गणित जुळले असले, तरी काही प्रस्थापित नेत्यांना धक्का बसला आहे. त्यामुळे सर्वच राजकीय पक्षांत नव्याने हालचाली सुरू झाल्या आहेत.
मोर्शी : १२ प्रभागांत महिलाराज
मोर्शी नगरपालिकेत १२ महिला नगरसेविका निवडून येण्याची शक्यता आहे. एकूण १२ प्रभागांपैकी बहुतांश प्रभागांमध्ये महिला, अनुसूचित जाती-जमाती आणि नामनिर्देशित प्रवर्गासाठी आरक्षण जाहीर झाले आहे.
अंजनगाव सुर्जी नगरपरिषद : २८ सदस्यांचे गणित
एकूण १४ प्रभागांपैकी अर्ध्याहून अधिक प्रभाग महिला उमेदवारांसाठी राखीव असून, अनुसूचित जाती-जमाती आणि नामनिर्देशित प्रवर्गालाही प्रतिनिधित्व मिळाले आहे.
चांदूर रेल्वे नगरपरिषद : २० नगरसेवकांचा ताळमेळ
चांदूर रेल्वे येथे बहुतांश प्रभागांमध्ये महिला आरक्षण दिसून येत आहे. अनुसूचित जाती-जमाती आणि नामनिर्देशित प्रवर्गातील उमेदवारांनाही या निवडणुकीत मोठी संधी मिळाली आहे.
धामणगाव नगरपरिषद : १० महिला सदस्य निश्चित
एकूण १० प्रभागांपैकी निम्म्या प्रभागांमध्ये महिला आरक्षण आहे. अनु. जाती-जमाती आणि नामनिर्देशित प्रवर्गासाठीही समसमान आरक्षण जाहीर करण्यात आले आहे.
दर्यापूर नगरपालिका : संतुलित आरक्षण रचना
दर्यापूर नगरपालिकेत अनुसूचित जाती-जमाती, नामनिर्देशित आणि सर्वसाधारण महिला प्रवर्गासाठी मोठ्या प्रमाणावर आरक्षण जाहीर झाले आहे. एकूण १२ प्रभागांपैकी बहुतांश प्रभागांमध्ये महिला उमेदवारांसाठी संधी उपलब्ध झाली आहे.
धारणी नगरपंचायत : आदिवासी महिलांना अधिक प्रतिनिधित्व
१७ प्रभागांपैकी ९ प्रभागांमध्ये महिला उमेदवारांसाठी आरक्षण आहे. अनुसूचित जमाती प्रवर्गाला सर्वाधिक प्रतिनिधित्व देण्यात आले आहे.
चांदूर बाजार नगरपालिका : महिलांचे वर्चस्व
१० प्रभागांपैकी ८ प्रभागांत महिला उमेदवारांसाठी आरक्षण जाहीर झाले असून, अनुसूचित जाती व नामनिर्देशित प्रवर्गासाठीही स्वतंत्र जागा ठेवल्या आहेत.
चिखलदरा नगरपालिका : १० पैकी १० प्रभाग महिला अनुकूल
अनुसूचित जमातींचा प्राबल्य असलेल्या चिखलदऱ्यातील बहुतांश प्रभाग महिला उमेदवारांसाठी राखीव आहेत. त्यामुळे या निवडणुकीत महिलांची दमदार उपस्थिती पाहायला मिळेल.
Arvind Sawant : ओला दुष्काळ जाहीर करा, ठाकरे गटाचा जिल्हा कचेरीत ठिय्या!
अमरावती जिल्ह्यातील नगरपालिका आणि नगरपंचायतींमध्ये महिलांना मोठ्या प्रमाणात आरक्षण मिळाले असून, नव्या चेहऱ्यांना पुढे येण्याची संधी उपलब्ध झाली आहे. मात्र, काही प्रस्थापित नेत्यांचे गणित बिघडल्याने राजकीय समीकरणे नव्याने जुळण्याची शक्यता आहे.
