Only five women mayors in Akola over the past 20 years : नवव्या महापौरपदासाठी आरक्षण कोणाच्या बाजूने?
Akola अकोला महापालिकेच्या राजकारणात गेल्या दोन दशकांत महिलांचा प्रभाव ठळकपणे दिसून आला आहे. २००२ ते २०२२ या २० वर्षांच्या कालावधीत एकूण ८ महापौरांपैकी ५ महिला महापौरपदी विराजमान झाल्या, तर पुरुषांना केवळ तीन वेळाच ही संधी मिळाली. या पार्श्वभूमीवर आगामी नवव्या महापौरपदाचे आरक्षण महिलांसाठीच राहणार की सर्वसाधारण प्रवर्गासाठी निघणार, याबाबत राजकीय वर्तुळात मोठी उत्सुकता आहे.
राज्यातील २९ महापालिकांसाठी महापौरपदाचे आरक्षण नगरविकास विभागाकडून रोटेशन पद्धतीने जाहीर केले जाणार असून, येत्या काही दिवसांत त्याची अधिसूचना अपेक्षित आहे. आरक्षण जाहीर होताच अकोला महापालिकेच्या नवव्या महापौरपदाची दिशा स्पष्ट होणार आहे.
Devendra Fadnavis : शब्द न पाळल्यामुळे देवेंद्र फडणवीस अजित पवारांवर नाराज!
अकोला महापालिकेत २० प्रभागांतून ८० नगरसेवक निवडले जाणार आहेत. १५ जानेवारी २०२६ रोजी मतदान, तर १६ जानेवारी २०२६ रोजी मतमोजणी होणार आहे. या निवडणुकीच्या पार्श्वभूमीवर १९ डिसेंबर २०२५ रोजी राज्य शासनाकडून राजपत्राद्वारे अधिसूचना जारी होण्याची शक्यता आहे.
६ मार्च २००२ ते ८ मार्च २०२२ या कालावधीत महापालिकेच्या सत्ताकेंद्रावर महिलांचे वर्चस्व प्रकर्षाने जाणवले. त्यानंतर ९ मार्च २०२२ पासून महापालिकेत प्रशासकराज सुरू असून, आगामी निवडणुकीनंतर पुन्हा लोकप्रतिनिधींच्या हाती सत्तेची सूत्रे जाणार आहेत. त्यामुळे आरक्षण जाहीर होताच संभाव्य महिला व पुरुष उमेदवारांची नावे चर्चेत येण्याची दाट शक्यता आहे.
Municipal Elections : कुठे कोट्यवधींची रोकड तर कुठे राडे, रात्रभर कोंबिंग ऑपरेशन
८० सदस्यांच्या सभागृहात ४१ नगरसेवकांचे संख्याबळ मिळाल्यास स्पष्ट बहुमत सिद्ध होणार आहे. महापौर, उपमहापौर, स्थायी समिती सभापती व पक्षनेता ही महत्त्वाची पदे मिळवण्यासाठी सर्वच राजकीय पक्षांकडून जोरदार रणनीती आखली जात आहे. अकोला महापालिकेवर कोणत्या पक्षाचा झेंडा फडकणार, हे १६ जानेवारी २०२६ रोजी स्पष्ट होणार आहे.
आतापर्यंतचे महापौर
सुमनताई गावंडे : ६ मार्च २००२ – १८ फेब्रुवारी २००५
अश्विनीताई हातवळणे : १८ फेब्रुवारी २००५ – ५ मार्च २००७
मदन भरगड : ६ मार्च २००७ – ३ डिसेंबर २००९
सुरेश पाटील : ४ डिसेंबर २००९ – २४ ऑक्टोबर २०११
ज्योत्स्ना गवई : ९ मार्च २०१२ – ९ सप्टेंबर २०१४
उज्ज्वला देशमुख : १० सप्टेंबर २०१४ – ८ मार्च २०१७
विजय अग्रवाल : ९ मार्च २०१७ – २१ नोव्हेंबर २०१९
अर्चना मसने : २२ नोव्हेंबर २०१९ – ८ मार्च २०२२
