Jitendra Awhad, Gopichand Padalkar clashed in the Legislative Assembly area : जितेंद्र आव्हाड आणि गोपीचंद पडळकर विधिमंडळ परिसरात भिडले
Mumbai : राज्य विधिमंडळाचे पावसाळी अधिवेशन सध्या मुंबईत सुरु आहे. विधिमंडळाच्या आवारात एक धक्कादायक प्रकार घडला. राष्ट्रवादी शरद पवार गटाचे आमदार जितेंद्र आव्हाड आणि भाजप आमदार गोपीचंद पडळकर यांच्यात परिसरात वाद झाला. या वादात शिवीगाळ झाल्याचा व्हिडीओ सध्या सोशल मीडियावर व्हायरल होत आहे. विधिमंडळातील दोन्ही सभागृह आणि बाहेरही सत्ताधारी आणि विरोधकांमध्ये जुंपलेली पाहायला मिळत आहे माझं या व्हिडिओची जोरदार चर्चा आहे.
या सगळ्याबाबत जितेंद्र आव्हाड यांनी गुरुवारी प्रसारमाध्यमांशी बोलताना माहिती दिली. त्यांनी सांगितले की, गोपीचंद पडळकर काल म्हणाले की, कोणी माझ्या गाडीसमोर आले तर मी असाच दरवाजा उघडणार. हा सत्तेचा माज आहे. त्याच्या गाडीचा दरवाजा मला नाही संतोष देशमुख यांचा भाऊ धनंजय देशमुख याला लागला आणि म्हणून मी बोललो. त्यानंतर पडळकर हा विधिमंडळ परिसरात शिव्या द्यायला लागला. तुम्ही जर अशीच गाडी चालणार असाल तर आम्ही आता त्याला काय करणार, बंदुका घेऊन या… जीव घ्या आमचा. मी परवाच्या दिवशी फक्त मंगळसूत्र चोर म्हणून बोललो म्हणून एवढा राग आला.
Amruta Fadnavis : अमृता फडणवीस यांच्याविरोधात पोस्ट टाकणे भोवले !
मी मंगळसूत्र चोर का बोललो? कारण मी कोणावर वैयक्तिक टीका करत नाही. मला त्यादिवशी तो ‘अर्बन नक्षल’ आणि ‘मुसलमानांचा एक्स’, असं म्हणाला. मी पंधरा – वीस कार्यकर्त्यांसोबत फिरत नाही, मी एकटा फिरतो. घाला गाडी माझ्यावर, असे जितेंद्र आव्हाड यांनी म्हटले. आमदार जितेंद्र आव्हाड यांनी काही दिवसांपूर्वी विधानभवन परिसरात जात असताना ‘ मंगळसूत्र चोराचा…मंगळसूत्र चोराचा..’, अशा घोषणा दिल्या होत्या. आव्हाड यांचा हा व्हिडिओ चांगलाच व्हायरल झाला होता. त्यावरुन, आव्हाड आणि गोपीचंद पडळकर यांचे कार्यकर्ते सोशल मीडियावर भिडले होते.
