Under the package, economic, educational and social development of the tribal Pardhi community will be promoted : पॅकेजअंतर्गत आदिवासी पारधी समाजाच्या आर्थिक, शैक्षणिक आणि सामाजिक विकासाला चालना

Jalgaon : जळगाव येथे आयोजित एका शासकीय कार्यक्रमात राज्याचे आदिवासी विकास मंत्री प्रा. डॉ. अशोक उईके यांनी आदिवासी पारधी समाजाच्या सर्वांगीण विकासासाठी 10 कोटी रुपयांच्या विशेष ‘क्रांतिवीर समशेरसिंह पारधी पॅकेज’ची घोषणा केली. या घोषणेचे आदिवासी पारधी समाजाने स्वागत केले आहे.

या पॅकेजअंतर्गत आदिवासी पारधी समाजाच्या आर्थिक, शैक्षणिक आणि सामाजिक विकासाला चालना देण्यासाठी विविध योजना राबविल्या जाणार आहेत. यामध्ये सूक्ष्म व लघु उद्योगांना प्रोत्साहन, शिक्षणासाठी विशेष सुविधा आणि सामाजिक सभागृहांसारख्या पायाभूत सुविधांचा विकास यांचा समावेश आहे. या योजनांमुळे पारधी समाजाला मुख्य प्रवाहात आणण्यासाठी आणि त्यांच्या जीवनमानात सुधारणा करण्यासाठी महत्त्वपूर्ण पाऊल उचलले जाणार आहे.

Saroj Patil : अजित पवार वरून कठोर आतून गोड तर रोहित उगवता तारा !

मंत्री प्रा. डॉ. अशोक उईके यांनी यावेळी बोलताना सांगितले की, “आदिवासी समाजाच्या प्रत्येक घटकाला विकासाच्या मुख्य प्रवाहात आणण्यासाठी शासन कटिबद्ध आहे. क्रांतिवीर समशेरसिंह पारधी यांच्या नावाने हे विशेष पॅकेज जाहीर करताना आम्हाला अभिमान वाटतो. या पॅकेजमुळे पारधी समाजाच्या तरुणांना रोजगार आणि शिक्षणाच्या नव्या संधी उपलब्ध होतील.”

ST income : रक्षाबंधनात एसटीची विक्रमी १३७.३७ कोटींची कमाई !

आदिवासी पारधी समाजाचे प्रतिनिधी आदिवासी सेवक बबन गोरामन, अनिल पवार, अतिश पवार, आदींनी या घोषणेचे स्वागत करताना म्हटले, “मंत्री अशोक उईके यांनी आमच्या समाजाच्या विकासासाठी घेतलेला हा पुढाकार ऐतिहासिक आहे. या पॅकेजमुळे आमच्या समाजातील तरुणांना नवीन दिशा मिळेल आणि आमच्या समुदायाला सन्मानाने जगण्याची संधी मिळेल. आम्ही शासनाचे आणि मंत्र्यांचे मनापासून आभार मानतो.”

या कार्यक्रमाला स्थानिक प्रशासन, आदिवासी विकास विभागाचे अधिकारी आणि पारधी समाजाचे प्रतिनिधी मोठ्या संख्येने उपस्थित होते. या पॅकेजच्या अंमलबजावणीसाठी लवकरच शासन निर्णय जारी होईल, अशी माहितीही यावेळी देण्यात आली.