Former minister suspended from BJP to join Shiv Sena : माजी मंत्र्याने केली तयारी; निवडणुकीच्या पार्श्वभूमीवर राजकीय हालचालींना वेग
Amravati भाजपमधून निष्कासित झालेले माजी मंत्री जगदीश गुप्ता लवकरच मुख्यमंत्री एकनाथ शिंदे DCM Eknath Shinde यांच्या शिवसेनेत प्रवेश करणार असल्याची जोरदार चर्चा राजकीय वर्तुळात आहे. भाजपसाठी हा मोठा धक्का मानला जात आहे. आगामी अमरावती महापालिका निवडणुकीच्या पार्श्वभूमीवर शिंदे गटासाठी ही संघटनात्मक ताकद वाढविण्याची संधी ठरणार आहे. याआधीच ठाकरे गटाच्या नेत्या प्रीती बंड यांनी शिंदे गटात प्रवेश केला होता. आता गुप्ता यांचा प्रवेश देखील निश्चित मानला जात आहे.
गुप्ता यांच्या बंडखोरीचा इतिहासही जुना आहे. २०१२ च्या महापालिका निवडणुकीत त्यांनी ‘जनकल्याण आघाडी’ स्थापन केली. भाजपविरोधात निवडणूक लढवली. त्यावेळी त्यांना अपेक्षित यश मिळाले नाही. पण त्यांचे राजकीय चातुर्य अधोरेखित झाले होते.
गुप्ता यांनी मागील विधानसभा निवडणुकीत महायुतीच्या अधिकृत उमेदवार सुलभा खोडके यांच्या विरोधात बंडखोरी करत अमरावतीतून अपक्ष निवडणूक लढवली होती. भाजपचे अनधिकृत उमेदवार असल्याचा दावा करत त्यांनी प्रचार केला. परिणामी, पक्षाने त्यांची हकालपट्टी केली. निवडणुकीत त्यांचा पराभव झाला. पण, त्यानंतर भाजपमध्ये ते परत येतील, अशी शक्यता व्यक्त झाली. मात्र, वरिष्ठ नेतृत्वाकडून कोणताही प्रतिसाद न मिळाल्याने त्यांनी अखेर शिंदे गटाची वाट धरली आहे.
Eknath Shinde Shiv Sena : शिवसेनेतील स्थानिक वाद पोलीस ठाण्यात!
गुप्ता यांचा गट स्थानिक राजकारणात गेल्या अनेक वर्षांपासून सक्रीय आहे. भाजपच्या वरिष्ठ नेत्यांपासून ते नेहमीच काहीसे अलिप्त राहिले आहेत. विधानसभा निवडणुकीत त्यांनी हिंदुत्वाच्या मुद्यावर मतांचं ध्रुवीकरण करण्याचा प्रयत्न केला होता, मात्र तो अपयशी ठरला. आता त्यांचा अख्खा गट शिंदेंच्या शिवसेनेत प्रवेश करण्याची शक्यता आहे. त्यामुळे स्थानिक राजकारणात नवे समीकरण निर्माण होण्याची चिन्हं आहेत.
