Protest against the government by painting roads and walls : धुलीवंदनाच्या दिवशी सरकारचे लक्ष वेधण्याचा प्रयत्न
Amravati संपूर्ण राज्यभर धुलीवंदनाचा सण मोठ्या उत्साहात आणि जल्लोषात साजरा केला जात होता. परंपरागत पद्धतीने रंगांची उधळण करत लोक एकमेकांना धुलीवंदनाच्या शुभेच्छा देत होते. मात्र त्याचवेळी माजी आमदार बच्चू कडू यांनी अनोखे आंदोलन करून सरकारचा निषेध नोंदवला. त्यांनी रस्ते व भिंती रंगवून सरकारचं लक्ष वेधण्याचा प्रयत्न केला.
बच्चू कडू यांनी परंपरागत होळी पेटवण्याऐवजी भिंती आणि रस्ते रंगवून अनोखी होळी साजरी केली. या माध्यमातून त्यांनी सरकारला अनेक महत्त्वपूर्ण मागण्यांची आठवण करून दिली. या मागण्या शेतकरी, दिव्यांग, बेरोजगार आणि अन्य दुर्लक्षित घटकांसाठी होत्या. बच्चू कडू यांनी शेतकऱ्यांसाठी सरकारकडे अनेक मागण्या केल्या.
Bachhu Kadu on Nana Patole : अहो नाना, पहिले काँग्रेस कुठे आहे ते शोधा!
राज्यातील सर्व शेतकऱ्यांचे कर्ज माफ करण्यात यावे, जेणेकरून त्यांना आर्थिक दिलासा मिळेल. स्वामीनाथन आयोगाच्या शिफारशी तातडीने लागू कराव्यात, ज्यामुळे शेतकऱ्यांना त्यांच्या पिकाला योग्य हमीभाव मिळू शकेल. शेतमालास स्थिर आणि न्याय्य बाजारभाव मिळावा, जेणेकरून शेतकऱ्यांचे आर्थिक शोषण थांबेल. पेरणी ते कापणीपर्यंतची सर्व कामे रोजगार हमी योजनेत समाविष्ट करावीत, त्यामुळे शेतकऱ्यांसाठी आर्थिक सुरक्षिततेचा आधार निर्माण होईल, असं बच्चू कडू म्हणाले.
दिव्यांग व्यक्तींना दरमहा किमान सहा हजार रुपये मानधन देण्यात यावे, जेणेकरून त्यांना जगण्यासाठी आर्थिक आधार मिळेल. घरकुल योजनेअंतर्गत गरीब आणि बेघर कुटुंबांना पाच लाखांचे अनुदान देण्यात यावे, जेणेकरून त्यांचे स्वतःचे घर बांधण्याचे स्वप्न पूर्ण होईल, याचीही त्यांनी सरकारला आठवण करून दिली.
Sharad Pawar : AI तंत्रज्ञानामुळे शेती क्षेत्रात क्रांती होणार
आंदोलनाचा इशारा
बच्चू कडू यांनी या मागण्यांसाठी सरकारने तातडीने निर्णय घ्यावा, अन्यथा व्यापक आंदोलन छेडण्यात येईल, असा स्पष्ट इशारा दिला आहे. यातून लवकरच एक मोठे आंदोलन प्रहारतर्फे छेडले जाण्याचे संकेत बच्चू कडू यांनी दिले आहेत.
