Message from Nitin Gadkari and Kailash Satyarthi : नितीन गडकरी आणि कैलास सत्यार्थींचा संदेश
Nagpur : एका कार्यक्रमात केंद्रीय मंत्री नितीन गडकरी आणि नोबेल पारितोषिक विजेते कैलास सत्यार्थी यांनी महत्त्वपूर्ण विचार मांडले. कै. लक्ष्मणराव मानकर स्मृती संस्थेच्या चार दिवस चाललेल्या एकलव्य एकल विद्यालय शिक्षक – पर्यवेक्षक प्रशिक्षण वर्गाच्या समारोप कार्यक्रमात ते बोलत होते.
या वेळी संस्थेचे अध्यक्ष अतुल शिरोडकर, उपाध्यक्ष राजीव हडप यांच्यासह आदिवासी विद्यापीठ स्थापन करण्याबाबत मागणी करण्यात आली. यावर गडकरी म्हणाले, “मी सरकारमध्ये असलो तरी सरकारसोबत जोडून कुठलेही काम करू नका. आमच्या संस्थेतील लोक खूप चांगले काम करत आहेत. मात्र काम हे सरकारवर अवलंबून राहून न करता स्वतंत्रपणे व्हायला हवे.”
गडकरी यांनी पुढे माहिती दिली की, अतिदुर्गम आदिवासी भागातील गुणवंत विद्यार्थ्यांसाठी नाममात्र दरामध्ये वसतीगृह उभारण्यात येतील. येथे राहण्याची आणि जेवणाची सुविधा दिली जाईल, ज्यामुळे आदिवासी मुलांमधून भविष्यातील डॉक्टर, अभियंते आणि दिग्गज व्यक्ती घडतील. गडचिरोली जिल्ह्यात ड्रायव्हिंग ट्रेनिंग स्कूल मंजूर करण्याचा निर्णय घेतला असल्याचेही त्यांनी सांगितले, ज्यामुळे रोजगारनिर्मिती होईल.
Reservation controversy : हैदराबाद गॅझेटियरमुळे नवा पेच; मुंबईत महत्त्वाची बैठक
कार्यक्रमाला उपस्थित असलेले नोबेल पारितोषिक विजेते कैलास सत्यार्थी यांनी भारताच्या भविष्यासंदर्भात आपला दृष्टिकोन मांडला. ते म्हणाले, “भारताला विश्वगुरू बनायचे असेल तर केवळ ‘सोन्याची चिडीया’ म्हणून ते शक्य नाही, तर त्याला गुरुत्व दाखवावे लागेल. जे लोक अंधारामध्ये आहेत त्यांना प्रकाशात आणण्याचे कार्य झाले पाहिजे. त्यानंतर भारताला जगतगुरू बनण्यापासून कुणीही रोखू शकणार नाही.”
सत्यार्थी यांनी संस्थेच्या कार्याचे कौतुक करताना म्हटले की, “आपल्या सारख्या निस्वार्थी आणि ध्येयवेड्या लोकांच्या प्रयत्नांनी आदिवासी भागातील विद्यार्थ्यांसाठी जे कार्य होत आहे ते एका दिव्यासारखे आहे. हा दिवा स्वतः जळतो, पण अनेक आयुष्य उजळतो. हाच दिवा भारताला जगतगुरू बनवेल.”
कार्यक्रमाच्या सुरुवातीला सत्यार्थी यांनी उपस्थितांमधूनच प्रेरणा मिळत असल्याचे गौरवोद्गार काढले आणि गडकरींच्या स्पष्टवक्तेपणाचेही कौतुक केले.
____
