buldhana-congress-organizational-changes-new-district-president-search : गळती रोखण्यासाठी संघटनात्मक बदलांचे संकेत; चिखली, मोताळ्यातील पडसादानंतर जिल्हाध्यक्षपदावर टांगती तलवार
Buldhana जिल्ह्यातील काँग्रेस पदाधिकाऱ्यांचा इतर पक्षांकडे ओढा वाढत चालल्याने आणि संघटनात्मक बांधणी विस्कळीत झाल्याने, गेल्या वर्षभरापासून जिल्हा काँग्रेसच्या कार्यपद्धतीवर मोठे प्रश्नचिन्ह उपस्थित केले जात आहे. एकेकाळी काँग्रेसचा बालेकिल्ला समजल्या जाणाऱ्या या जिल्ह्यात आता पक्षाला गळती लागली असून, सुरुवातीला मोताळा आणि बुलढाण्यापुरता मर्यादित असलेला हा असंतोष आता चिखलीपर्यंत पोहोचला आहे. या वाढत्या राजकीय अस्थिरतेमुळे आगामी स्थानिक स्वराज्य संस्थांच्या निवडणुकांपूर्वी पक्षाची नव्याने बांधणी करणे हे प्रदेश नेतृत्वासमोर मोठे आव्हान ठरले आहे.
चिखली पालिकेच्या राजकारणात स्थानिक नेत्यांच्या कथित हस्तक्षेपामुळे कार्यकर्त्यांमध्ये नाराजीचा सूर आहे. विशेषतः निवडणुकीच्या काळात घेतलेल्या काही निर्णयांनी पक्षाची ताकद वाढवण्याऐवजी अंतर्गत वादच अधिक उफाळून आल्याचे राजकीय जाणकारांचे मत आहे. या अस्वस्थतेचा परिणाम म्हणजे निष्ठावान कार्यकर्त्यांचे इतर पक्षांकडे होणारे स्थलांतर, जे रोखण्यात स्थानिक नेतृत्वाला अपयश येत असल्याचे चित्र आहे. यामुळेच बुलढाणा जिल्ह्यासाठी नवा आणि सर्वसमावेशक चेहरा जिल्हाध्यक्ष म्हणून देण्याची मागणी आता जोर धरू लागली आहे.
Jarange Vs Munde : धनंजय मुंडेंवर १७ लाखांच्या फसवणुकीचा आरोप !
जिल्ह्यातील काँग्रेसच्या सद्यस्थितीचा आढावा घेतल्यास, गेल्या काही काळातील कार्यकाळात पक्षाला मोठ्या प्रमाणावर घरघर लागल्याचे निरीक्षण राजकीय विश्लेषक मांडत आहेत. अनावश्यक वाद आणि समन्वयाचा अभाव यामुळे कार्यकर्त्यांचे मनोधैर्य खचले असून, त्याचा थेट परिणाम पक्षविस्तारावर होत आहे. दरम्यान, राज्यभर काँग्रेसमध्ये मोठ्या प्रमाणावर फेरबदलाचे वारे वाहू लागले असून, त्याचे संकेत बुलढाणा जिल्ह्यातही मिळू लागले आहेत. जुन्या वादांना पूर्णविराम देऊन नव्या ऊर्जेने निवडणुकीला सामोरे जाण्यासाठी जिल्हाध्यक्ष पदावर खांदेपालट करणे अनिवार्य झाल्याची चर्चा पक्षाच्या वरिष्ठ गोटात सुरू आहे.
