Caste verification committees in the state got a chairman : ओबीसी, व्हीजेएनटी ,एन टी संवर्गातील जात पडताळणी होणार गतिमान
Mumbai महसूल विभागाला गतिमान, लोकाभिमुख व व्यापक करण्यासाठी महसूलमंत्री चंद्रशेखर बावनकुळे यांनी कंबर कसली आहे. काही वर्षांपूर्वी निवडश्रेणी मिळूनही पदोन्नती व पदस्थापनेच्या प्रतीक्षेत असलेल्या राज्यातील ६० अतिरिक्त जिल्हाधिकाऱ्यांना पदोन्नती देवून त्यांची तातडीने पदस्थापना करण्याचा महत्वाकांक्षी निर्णय सोमवारी घेतला. याबाबतचा आदेश जारी करण्यात आला आहे.
महसूल विभागातील सेवाज्येष्ठता यादी २ जानेवारी २०२५ रोजी प्रसिध्द केली. विविध कारणांनी ही यादी तब्बल तीन वर्षे प्रलंबित होती. त्यानंतर लागलीच निवड यादी आणि आता ६० अधिकाऱ्यांना पदोन्नती देऊन त्यांची नेमणूकही करण्यात आली. या निर्णयामुळे महसूल अधिकाऱ्यांकडून चांगल्या कामाची अपेक्षा करतानाच आता महसूल मंत्री त्यांच्या आस्थापनाविष्यक बाबींवरही लक्ष ठेवून असल्याचे दिसून येते.
Chandrashekhar Bawankule : महसूलमंत्र्यांचा Effect! शंभर वर्षांमध्ये प्रथमच होतेय हे काम!
महसूल मंत्री बावनकुळे यांनी विद्यार्थी वर्गासह सामाजिक आरक्षण घेऊन निवडणूक लढणाऱ्या उमेदवारांना तसेच नोकरी इच्छुकांनाही मोठा दिलासा दिला. राज्यात ६० अतिरिक्त जिल्हाधिकाऱ्यांची नियुक्ती तर केलीच आहे. शिवाय या अधिकाऱ्यापैकी २९ अधिकाऱ्यांना जिल्हास्तरीय जात पडताळणी समितीचे अध्यक्ष म्हणून पदस्थापना दिली.
जात पडताळणी समिती अधक्ष्यांची ही २९ पदे काही वर्षापासून विविध कारणांनी रिक्त होती. त्यांचा अतिरिक्त कार्यभार दिला होता. यामुळे या समितीच्या कामकाजावर परिणाम झालेला दिसून येत होता. पाहिजे त्या जलदगतीने काम होत नव्हते. आजच्या निर्णय व नियुक्तीमुळे जिल्हास्तरीय जात पडताळणी समितीचे कामकाज जलद होईल.
जात पडताळणी समितीकडे निर्णयविना रखडलेली ओबीसी , व्हीजेएनटी आणि एन टी संवर्गातील जात पडताळणीची अनेक प्रकरणे आता तातडीने मार्गी लागतील.
Chandrashekhar Bawankule : प्रत्येकाचे घरकुलाचे स्वप्न पुर्ण होईल!
जात पडताळणी समिती अध्यक्ष नेमणुकीखेरिज राज्यात १२ ठिकाणी अतिरिक्त जिल्हाधिकारी पदांवर नेमणुका करण्यात आल्या. तर, सरकारच्या विविध आस्थापानांवर १८ ठिकाणी अतिरिक्त जिल्हाधिकारी पदांवरील अधिकाऱ्यांच्या नियुक्त्या करण्यात आल्या आहेत.
महसूल विभाग हा राज्य सरकारच्या प्रशासन व्यवस्थेचा कणा आहे. जमीन, शेती, रस्त्यांपासून विद्यार्थ्यांच्या जात पडताळणीचे सर्व काम चालते. एकार्थाने समाजाचा चेहरा आपण या विभागात पाहू शकतो. त्यामुळेच हा विभाग गतिमान व पारदर्शी असावा यासाठी प्रयत्न सुरू आहेत. पहिल्या १०० दिवसात ठरवलेल्या उद्दिष्ट पूर्ण करण्यातील आजचा हा निर्णय एक भाग आहे, असं महसूल मंत्री बावनकुळे यांनी म्हटलं आहे.
