Hearing on Anand Kale’s directorship dispute on August 6 : बँकेच्या १२ संचालकांची तक्रार; हिताविरुद्ध कामाचा आरोप
Amravati अमरावती जिल्हा मध्यवर्ती सहकारी बँकेचे संचालक आनंद काळे यांच्या संचालकपदाबाबतचा वाद आता निर्णायक टप्प्यावर आहे. महाराष्ट्र सहकारी संस्था अधिनियम, 1960 च्या कलम 73 क (अ) नुसार चालविण्यात येत असलेल्या या प्रकरणाची पुढील सुनावणी 6 ऑगस्ट रोजी होणार आहे.
बँकेचे १२ संचालक, हरिभाऊ मोहोड यांच्यासह, यांनी काळे यांच्या विरोधात विभागीय सहनिबंधक यांच्या न्यायालयात 21 एप्रिल 2025 रोजी तक्रार दाखल केली होती. यात काळे यांनी संचालकपदावर असताना बँकेच्या हिताविरुद्ध मनमानी निर्णय घेतल्याचा आणि नियमांचे उल्लंघन करून अपहार केल्याचा आरोप करण्यात आला आहे.
Mahavitaran : विदर्भात १००७ वीजवाहिन्यांचे विलगीकरण, ७२७ उपकेंद्रांचे सक्षमीकरण अंतिम टप्प्यात
या तक्रारीनंतर विभागीय सहनिबंधक गौतम वर्धन यांनी काळे यांना ‘संचालकपद रद्द का करू नये?’ अशी नोटीस बजावली आहे. प्रारंभी 14 जुलैपर्यंत स्पष्टीकरण सादर करण्याचे आदेश होते. मात्र, काळे यांनी नोटीस मिळालेली नाही, असा युक्तिवाद करत उत्तर सादर केले नव्हते.
यानंतर 29 जुलै रोजी सुनावणी ठरवण्यात आली होती. मात्र, काळे यांनी वेळ वाढवून देण्याची विनंती केल्याने न्यायालयाने एक आठवड्याची मुदत वाढवली आहे. आता पुढील सुनावणी 6 ऑगस्ट रोजी होणार आहे.
Student participation : नागपूरच्या विधान भवनात भरली ‘संसद युथ पार्लमेंट’
तक्रारीत म्हटले आहे की, संचालकपदावर असताना काळे यांनी नियमबाह्य पद्धतीने वकिलाची फी बँकेच्या खात्यातून अदा केली. कलम 78 अ अंतर्गत त्यांच्या खर्चाचे स्पष्टीकरणही न मिळाल्याने त्यांना अपात्र घोषित करण्याची मागणी करण्यात आली आहे.
