Will dual leadership accelerate development? : पालकमंत्री-सहपालकमंत्री प्रथमच एका व्यासपीठावर, सावकारेंच्या भूमिकेकडे लक्ष
बुलढाणा : जिल्हा नियोजन समितीच्या (डीपीसी) बैठकीत प्रथमच पालकमंत्र्यासोबत सहपालकमंत्री उपस्थित राहणार असल्याने जिल्ह्याचे राजकारण आणि प्रशासकीय यंत्रणा याकडे सर्वांचे लक्ष लागले आहे. गुरुवार, २५ सप्टेंबर रोजी दुपारी १२ वाजता जिल्हाधिकारी कार्यालयातील डीपीसी सभागृहात ही बैठक पार पडणार आहे.
पालकमंत्री ना. मकरंद जाधव (पाटील) यांच्या अध्यक्षतेखाली होणाऱ्या या बैठकीत १६ मे रोजी झालेल्या बैठकीच्या इतिवृत्तावरील अनुपालन, २०२५-२६ च्या वार्षिक योजनेतील सर्वसाधारण व घटक कार्यक्रमांचा आढावा, तसेच १७ सप्टेंबर अखरेच्या प्रगती अहवालाचे परीक्षण होणार आहे. याशिवाय ऐनवेळी आलेले महत्वाचे विषयही चर्चेत घेण्यात येणार आहेत. जिल्हाधिकारी डॉ. किरण पाटील यांनी सर्व विभागप्रमुखांना आवश्यक माहितीसह अनिवार्य उपस्थितीचे निर्देश दिले आहेत.
MSRTC : ऐन दिवाळीत एसटी संपाचा इशारा; ग्रामीण भागाचा संपर्क तुटण्याची भीती
जिल्ह्याच्या सहपालकमंत्रिपदी नियुक्तीनंतर संजय सावकारे यांनी नुकतीच प्रशासनाची आढावा बैठक घेतली होती. मात्र, नियोजन समितीच्या अधिकृत बैठकीत ते प्रथमच सहभागी होत असल्याने त्यांची भूमिका काय असणार, कोणते मुद्दे ते मांडणार आणि जिल्ह्याच्या विकासाबाबत ते किती आक्रमक राहतात, याकडे राजकीय वर्तुळासोबतच जनतेचे लक्ष लागले आहे.
Bacchu Kadu : नेत्यांची ‘तोडफोडी’ची भाषा, शेतकरी आंदोलन चर्चेत
पालकमंत्री हे पद परंपरेने जिल्ह्याच्या विकासाचा दिशा ठरवणारे मानले जाते. काही पालकमंत्र्यांनी केवळ औपचारिकता निभावली तर काहींनी प्रत्यक्ष कृतीतून आपला ठसा उमटविला. विद्यमान पालकमंत्री मकरंद जाधव यांनी सक्रिय कार्यपद्धती दाखवली असून आता त्यांच्यासोबत संजय सावकारे सहपालकमंत्री म्हणून धुरा सांभाळणार आहेत. दोन मंत्र्यांच्या नेतृत्वाखाली विकासकामांना गती येईल, अशी अपेक्षा व्यक्त होत आहे. मात्र ही अपेक्षा कितपत पूर्ण होते, हे येणाऱ्या काळात स्पष्ट होणार आहे.
