bjp strategy shinde group impact thackeray faction : वरकरणी ठाकरे गटाला फटका पण खरा करंट शिंदे गटाला?
Mumbai: महाराष्ट्रातील स्थानिक स्वराज्य संस्था निवडणुकांच्या पार्श्वभूमीवर राज्यात पक्ष प्रवेशांची मोठी लाट चालू आहे. नगरपालिका, नगर पंचायती, जिल्हा परिषद आणि महापालिकांमध्ये वर्चस्व मिळवण्यासाठी सर्वच पक्ष आक्रमक झाले असताना सत्ताधारी भाजपने आखलेली रणनीती विशेष चर्चेत आली आहे. अनेक नेते एका पक्षातून दुसऱ्यात जात असले तरी बहुतेकांचे प्रवेश भाजपमध्ये होताना दिसत असल्याने महायुतीतच अंतर्गत चुरस वाढल्याच्या चर्चा राजकीय वर्तुळात रंगल्या आहेत.
महाराष्ट्रात भाजप, शिंदे गटाची शिवसेना आणि अजित पवार गटाची राष्ट्रवादी अशा तिन्ही पक्षांचे महायुती सरकार आहे. मात्र, या तिन्ही पक्षांमध्ये स्वहिताची स्पर्धा वेगळीच सुरू आहे. महायुतीचे हित बाजूला पडून स्थानिक पातळीवर स्वतःची संघटना मजबूत करण्यासाठी पक्षांतरांचा वापर होत असल्याचे स्पष्टपणे जाणवत आहे. अनेक ठिकाणी शिवसेनेतून राष्ट्रवादीत, राष्ट्रवादीतून शिंदे गटात आणि शिवसेनेतून थेट भाजपमध्ये जाणारे नेते दिसत आहेत. या हालचालींमुळे प्रत्येक पक्ष आपली स्थानिक ताकद वाढवण्याच्या प्रयत्नात आहे.
Cabinet meeting : मुंबईत परवडणाऱ्या घरांना चालना, ‘ ‘आयकॉनिक’ शहरासाठी नवे धोरण!
अलीकडील काही मोठ्या प्रवेशांकडे पाहिल्यास वरकरणी ठाकरे गटाला फटका बसल्याचे चित्र उभे केले जात असले तरी राजकीय समीकरणे वेगळीच कथा सांगत आहेत. कारण, जे चेहरे सक्रियपणे भाजपमध्ये दाखल होत आहेत, ते अनेकदा पूर्वी शिंदे गटात गनिमी काव्याची भूमिका निभावत होते. अशा नेत्यांना भाजपकडे खेचून स्थानिक स्तरावर शिंदे गटाची पकड सैल करण्याची रणनीती भाजपकडून वापरली जात असल्याचे निरीक्षकांचे म्हणणे आहे. भविष्यातील विधानसभा आणि लोकसभा निवडणुकीसाठी भाजपने हा पायाभूत राजकीय खेळ सुरु केल्याचेही बोलले जात आहे.
Local Body Elections : “गुन्हेगार पकडायचे की भाजपला उमेदवार द्यायचे?” पोलिसांनाही पडला प्रश्न !
स्थानिक निवडणुका लागल्याने पक्षांच्या तळागाळात जोरदार हालचाल सुरू असून संघटनांचा विस्तार, नवीन चेहरे घडवणे आणि प्रतिस्पर्ध्यांची ताकद कमी करणे या तिन्ही दिशांनी भाजपची रणनीती पुढे जाताना दिसते. दुसरीकडे महायुतीचेच तीन घटक पक्ष एकमेकांशी आतून स्पर्धा करत असल्याने अनेक ठिकाणी उमेदवार निवडीपासून स्थानिक नेतृत्वापर्यंत तणाव वाढत असल्याचे संकेत आहेत.
सध्या सुरू असलेली पक्षांतरांची मालिका कोणत्या पक्षाला फायदा देईल हे पुढील काही दिवसांत स्पष्ट होईल; मात्र भाजपने आखलेल्या या डावाने वरकरणी ठाकरे गटाला फटका बसत असला तरी प्रत्यक्षात शिंदे गटाच्या गोटातील राजकीय समीकरणे ढवळणे हा खरा उद्देश असल्याचे राजकीय सूत्रांचे म्हणणे आहे.
______
