Former MLA becomes active again in the municipal election: स्थानिक निवडणुकीत अस्तित्व टिकवण्याची धडपड
Akola जिल्ह्यातील पाच नगरपालिका आणि एका नगरपंचायतीसाठी २ डिसेंबर रोजी मतदान होणार आहे. उमेदवारी अर्ज दाखल करण्याची प्रक्रिया पूर्ण झाली असून, शुक्रवारी अर्ज मागे घेण्याची अंतिम मुदत आहे. या पार्श्वभूमीवर जिल्ह्यातील अनेक माजी आमदारांनी राजकीय अस्तित्व टिकवण्यासाठी निवडणूक प्रचारात आघाडी घेतली आहे.
शिवसेना (शिंदे गट) चे संपर्कप्रमुख गोपीकिशन बाजोरिया, तसेच भाजपमधून शिंदे गटात दाखल झालेले माजी आमदार नारायण गव्हाणकर हे आपल्या-आपल्या प्रभावक्षेत्रात सक्रिय झाले आहेत. पालिका निवडणुकीच्या निमित्ताने दोन्ही नेत्यांनी समर्थकांना एकत्र करून आपला राजकीय प्रभाव पुन्हा दृढ करण्याचा प्रयत्न सुरू केला आहे.
Local Body Elections : महापालिका निवडणुकीसाठी तिसऱ्या आघाडीचा पर्याय, बैठकांना वेग
दरम्यान, माजी आमदार हरिदास भदे हेही शिवसेनेकडून पालिका निवडणुकीत सक्रिय सहभाग घेत असून, स्थानिक पातळीवर स्वतःची उपस्थिती पुन्हा मजबूत करण्याचा त्यांचा प्रयत्न दिसून येत आहे.
गेल्या काही वर्षांत अकोला जिल्ह्यातील राजकीय समीकरणात मोठे बदल झाले. त्यामुळे काही माजी आमदारांचे राजकारणातले महत्त्व कमी झाल्याची भावना निर्माण झाली होती. मात्र, आता या पालिका निवडणुका त्यांच्या दृष्टीने अस्तित्व टिकवण्याची संधी ठरत असून, सर्वच प्रमुख माजी आमदार पुन्हा सक्रिय झाले आहेत.
Local Body Elections : चिखलदरा नगरपरिषदेतील निवडणूक बिनविरोध
गोपीकिशन बाजोरिया हे शिंदे गटातील महत्त्वाचे नाव मानले जात असून अकोला शहरातील शिवसेनेच्या संघटनात्मक विस्तारासाठी ते आक्रमक पवित्र्यात आहेत. तर नारायण गव्हाणकर यांनी भाजप सोडल्यानंतर शिंदे गटात नव्याने राजकीय पाय रोवण्याचा प्रयत्न सुरू केला आहे. हरिदास भदे हेही स्थानिक राजकारणातील आपली उपस्थिती कायम ठेवण्यासाठी प्रचारयुद्धात उतरले आहेत. जिल्ह्यातील या सर्व माजी आमदारांच्या सक्रिय सहभागामुळे पालिका निवडणुकीचे राजकीय तापमान आणखी वाढण्याची शक्यता व्यक्त केली जात आहे.
