The young man attempted suicide by slitting the throats of his wife and son : पत्नी व मुलाचा गळा चिरून युवकाचा आत्महत्या करण्याचा प्रयत्न
Nagpur “तू तुझ्या पत्नीला व मुलांना संपवून टाक…त्यानंतर तू स्वर्गात ये…तुला मोक्ष मिळेल’ असा आवाज गेल्या सहा महिन्यांपासून येत असून त्या आवाजाकडे मी आकर्षित झालो आहे. त्यामुळे पत्नी व मुलांना संपवून टाकल्यानंतर स्वत:ही आत्महत्या करणार होतो, त्यामुळे मी पत्नी व मुलांचा खून करणार होतो… अशी कबुली आरोपीने दिली. रवी चांदूरकर असे आरोपीचे नाव आहे. त्याने झोपेत झोपेत असलेल्या पत्नीच्या गळा चिरला तसेच मुलावरही चाकुने हल्ला केला.
वडील हे कृत्य करत असताना दुसऱ्या मुलाने लगेच शेजाऱ्यांना आवाज दिला. दरम्यान, रवीने स्वत:चाही गळा चिरुन आत्महत्या करण्याचा प्रयत्न केला. शेजाऱ्यांनी रवीला पकडले आणि जखमी महिलेला रुग्णालयात दाखल केले. ही थरारक घटना सोमवारी पहाटे पाच वाजता नंदनवनमध्ये उघडकीस आली. पिंकी नांदूरकर (३२, बगडगंज) असे जखमी महिलेचे नाव आहे.
Akola Police in Action हातरुण येथे दोन गटांत राडा; सहा जखमी, एकाची प्रकृती चिंताजनक !
नंदनवन परिसरात रवीचा वाहनांना कुशन लावण्याचा व्यवसाय आहे. पत्नी पिंकी आणि दोन मुलांसह तो राहतो. गेल्या काही दिवसांपासून तो तणावात होता. त्याने गांधीबागमधून गेल्या आठ दिवसांपूर्वी चाकू विकत घेतला. त्याला पत्नी व मुलांना संपवायचे होते. त्यानंतर स्वत:ही आत्महत्या करायची होती. रविवारी रात्री पत्नी व मुलांसह त्याने जेवण केले आणि सर्व जण झोपी गेले. पहाटे पाच वाजताच्या सुमारास रवी झोपेतून उठला.
त्याने उशीखाली लपवून ठेवलेला चाकू काढला आणि पत्नीच्या गळ्यावरुन फिरवला. या हल्ल्यामुळे पत्नी मोठ्याने ओरडली. तर बाजुला झोपलेले ११ आणि १३ वर्षांची दोन्ही मुले झोपेतून उठला. त्यानंतर रवीने मोठ्या मुलावरही चाकुने हल्ला करण्याचा प्रयत्न केला. मात्र, मुलाने वार हुकवला. चाकू मुलाच्या बोटाला लागल्याने त्याची दोन बोटे कापल्या गेली. लहान मुलाने आरडाओरड करीत शेजाऱ्यांना आवाज दिला. शेजारी धावतच घरात आले.
त्यावेळी पिंकी रक्ताच्या थारोळ्यात पडलेली होती तर मोठा मुलगाही जखमी अवस्थेत होता. दरम्यान, रवीने स्वत:चाही गळा चिरून आत्महत्या करण्याचा प्रयत्न केला. शेजाऱ्यांनी पोलिसांना फोन लावला आणि रवीला पकडून ठेवले. पोलिसांनी लगेच जखमी पिंकी, रवी आणि मुलाला मेडिकल रुग्णालयात दाखल केले. त्यांच्यावर उपचार सुरु असून पिंकी यांची प्रकृती चिंताजनक आहे. या प्रकरणी नंदनवन पोलिसांनी गुन्हा दाखल केला.
Uddhav Balasaheb Thackeray Shivsena : कर्जमाफी न केल्यास विधानसभेवर ट्रॅक्टर मोर्चा
“तू तुझ्या पत्नीला व मुलांना संपवून टाक…त्यानंतर तू स्वर्गात ये…तुला मोक्ष मिळेल’ असा आवाज गेल्या सहा महिन्यांपासून येत असून त्या आवाजाकडे मी आकर्षित झालो आहे. त्यामुळे पत्नी व मुलांना संपवून टाकल्यानंतर स्वत:ही आत्महत्या करणार होतो, त्यामुळे मी पत्नी व मुलांचा खून करणार होतो. झोपेत असलेल्या पत्नीचा गळा चिरला आणि एका मुलावरही हल्ला केला. मात्र, ते दोघेही थोडक्यात वाचले, अशी धक्कादायक माहिती एका युवकाने पोलिसांना दिली.
