City roads have become dumping yards : ठिकठिकाणी कचरा साचलेला; नागरिकांत शिस्तीचा अभाव
Nagpur कचऱ्याचे योग्य व्यवस्थापन करण्यासाठी त्याचे घरातच योग्य विलगीकरण करावे, रस्त्यावर कचरा फेकू नका. बांधकामाचे साहित्य रस्त्यावर टाकू नका, या नियमांचे पालन व्हावे. यासाठी वेळोवेळी मनपाकडून आवाहन करण्यात येते. नियम मोडणाऱ्यांवर कठोर कारवाई केली जात आहे. असे असतानाही स्वच्छतेची शिस्त मात्र अद्यापही नागपूरकरांमध्ये आली नसल्याचेच वास्तव आहे. रस्त्यांवर, रस्त्यांच्या कडेला दिसणाऱ्या कचऱ्यावरून त्याची प्रचिती येते.
घराघरात ओला, सुका यासोबतच प्लास्टिक, सॅनेटेरी नॅपकिन्स, घातक कचरा, इलेक्ट्रॉनिक कचरा असा सहा प्रकारचा कचरा वेगवेगळा संकलित करण्याबाबत घराघरांमध्ये जनजागृती करणे आवश्यक आहे. शिक्षण हे आदर्श नागरिक घडविण्यासाठीची प्रक्रिया आहे, असे म्हटले जाते. मात्र, केवळ चांगला उद्योग करून आपले जीवनमान उंचावण्याकडे अधिक कल दिसत आहे. आपले शहर स्वच्छ असावी ही समज नागरिकांमध्ये निर्माण व्हावी, यासाठी आता प्रयत्न करण्याची गरज व्यक्त होत आहे.
उच्चशिक्षितांकडूनही स्वच्छतेच्या नियमांकडे दुर्लक्ष होत असल्याचे दिसून येते. शहराच्या वेगवेगळ्या भागांत कचरा रस्त्यांच्या कडेलाच पडलेला दिसून येत आहे.
शहराचा कुठलाही भाग यातून सुटलेला नाही. लावा-दाभा मार्ग, अंबाझरी मार्ग, रिंग रोड एवढेच नव्हे रादासपेठ, धरमपेठ, मानेवाडा-बेसा रोड, दक्षिण नागपूर, उत्तर नागपूर, पूर्व नागपूर, पश्चिम नागपुर, दक्षिण-पश्चिम नागपुर, मध्य नागपूर या सर्वच भागांत ही समस्या आहे. प्रामुख्याने ऑरिजसिटी चौकासह अन्य कित्येक चौक उदाहरणादाखल पुरेसे आहेत.
Adv. Prakash Ambedkar : आंबेडकर म्हणाले, राज्यघटनेनुसार कारभार चालला तर…
असा करा संकल्प
कचऱ्याचे घरातच विलगीकरण करा. बाहेर कचरा फेकू नका. ओला कचरा हा हिरव्या कचरापेटीत आणि कोरडा कचरा निळा पेटीत टाकावा.
-बाहेर पडताना पिशवी सोबत ठेवा. प्लास्टिकचा वापर करू नका सामान आणण्यासाठी कापडी पिशव्यांचा वापर करा.
-दुधाच्या पिशव्यांसारख्या इतर प्लास्टिकच्या पिशव्या घरात निघतात या प्लास्टिकच्या बाटलीत टाका. याला इको ब्रिक म्हणतात.
-या इको ब्रिकचा वापर बांधकामात केला जातो.
-ओला कचरा (चिरलेल्या भाज्या इ.) मोठ्या भांड्यात जमा करा. बाजारात मिळणारे कंपोस्टर यात टाका. यामुळे ३५ ते ४० दिवसांत खत तयार होईल.
