Kolhapur police raided Koratkar’s house : लोकेशनच्या शोधात; दोन पथकं लागले कामाला
Nagpur छत्रपती शिवाजी महाराज आणि छत्रपती संभाजी महाराज यांच्याविषयी आक्षेपार्ह विधान करणारा तथाकथित पत्रकार प्रशांत कोरटकर याच्या घरी गुरुवारी (दि.२७ फेब्रुवारी) कोल्हापूर पोलीस धडकले. त्याच्यावर इतिहास अभ्यासक इंद्रजीत सावंत यांना अश्लिल शिवीगाळ करण्याचा तसेच जीवे मारण्याची धमकी देण्याचा गुन्हा आहे.
कोरटकर याने दोन दिवसांपूर्वीच नागपुरातून पलायन केल्यामुळे कोल्हापूर पोलिसांना रिकाम्या हाताने परतावे लागले. मात्र त्याच्या लोकेशनचा शोध घेणे सुरू आहे. कोरटकर हाती लागताच त्याला अटक करून कोल्हापूरला घेऊन जाण्याचा निर्धार पोलिसांनी केला आहे.
इतिहास अभ्यासक इंद्रजीत सावंत यांनी नुकतेच छावा चित्रपटावर आपली भूमिका मांडली होती. ही भूमिका मांडत असताना त्यांनी ब्राह्मण समाजाचा द्वेष केल्याचा आरोप प्रशांत कोरटकर याने केला. त्याने फोन करून सावंत यांना धमकी दिली. सावंत यांनी त्याचे कॉल रेकॉर्डिंग देखील सोशल मीडियावर शेअर केले. ‘जिथं असाल तिथे येऊन ब्राह्मणांची ताकद दाखवू, तुम्ही कितीही मराठे एकत्र करा,’ असे म्हणत कोरटकर यांनी सावंतांना शिवीगाळ केला आहे.
तसेच घरात येऊन मारण्याची दिली धमकी दिली आहे. कोरटकर याने राष्ट्रमाता जिजाऊ, छत्रपती शिवाजी महाराज आणि संभाजी महाराज यांच्याबद्दल वादग्रस्त वक्तव्य केले असेही यात आहे. या प्रकरणी कोल्हापुरातील जुना राजवाडा पोलीस ठाण्यात प्रशांत कोरटकरविरुद्ध गुन्हा दाखल करण्यात आला. या प्रकरणी पोलीस उपनिरीक्षक संतोष गळवे यांच्या नेतृत्वातील पथक बुधवारी मध्यरात्री नागपुरात पोहचले. या पथकाने बेलतरोडी पोलीस ठाण्यात मदत मागितली.
Sanjay Raut : संजय राऊतांच्या विरोधात शिवसेना महिला आघाडीचे ‘जोडे मारो’
गुरुवारी सकाळी साडेदहा वाजता कोल्हापूर पोलिसांच्या पथकाने बेलतरोडी पोलिसांच्या मदतीने कोरटकरच्या घरी छापा घातला. मात्र, कोरटकर घरी नव्हता. त्यामुळे कोल्हापूर पोलिसांचे पथक रिकाम्या हाताने पुन्हा बेलतरोडी पोलीस ठाण्यात ठाण मांडून बसले आहे.
कोल्हापूर पोलिसांच्या पथकाच्या मदतीसाठी दोन पथके तयार करण्यात आली आहेत. एक पथक त्यांच्यासोबत देण्यात आले आहे तर दुसरे पथक कोरटकरचा शोध घेत आहेत. कोल्हापूर पोलिसांनी पूर्णपणे मदत करण्यात येत आहे, असे बेलतरोडी पोलिसांनी म्हटले आहे.
Eknath Shinde : ‘उबाठा’ला शिंदे सेनेकडून पुन्हा ‘जोर का धक्का’
आरोपी प्रशांत कोरटकर याच्या घरावर छापा मारण्यात आला. मात्र, तो घरी नव्हता. नागपूर सायबर पोलिसांना कोरटकरचा सीडीआर आणि लोकेशनबाबत मदत मागितला आहे. कोरटकरचा सुगावा लागताच अटक करून कोल्हापूरला नेण्यात येईल, असं कोल्हापूरचे पोलीस उपनिरीक्षक संतोष गळवे यांनी सांगितले आहे.
