Three members of Rahul Narwekar’s family contesting election : राहुल नार्वेकरांच्या कुटुंबातील ३ सदस्य निवडणुकीच्या रिंगणात
Mumbai मुंबई महापालिका निवडणुकीच्या पार्श्वभूमीवर नार्वेकर कुटुंब पुन्हा एकदा चर्चेत आले आहे. या कुटुंबातील तीन सदस्य वेगवेगळ्या प्रभागातून निवडणूक लढवणार असल्याची अधिकृत माहिती मिळाली आहे. प्रभाग क्रमांक २२६ मधून मकरंद नार्वेकर, प्रभाग क्रमांक २२७ मधून गौरवी शिवलकर नार्वेकर आणि प्रभाग क्रमांक २२५ मधून हर्षिता नार्वेकर यांना उमेदवारी मिळाली आहे. या तिन्ही उमेदवारांच्या नावांमुळे स्थानिक राजकारणात मोठी चर्चा सुरू झाली आहे.
मकरंद नार्वेकर हे मुंबईतील ओळखले जाणारे नगरसेवक असून त्यांनी पूर्वीही महापालिकेत काम केले आहे. त्यांच्या कामकाजाची पद्धत, स्थानिक प्रश्नांवरील भूमिका आणि पक्षातील सक्रियता यामुळे त्यांची ओळख निर्माण झाली आहे. यावेळी त्यांनी पुन्हा प्रभाग क्रमांक २२६ मधून उमेदवारी दाखल केली आहे. त्यांच्या उमेदवारीमुळे या प्रभागात निवडणूक अधिक रंगतदार होणार आहे.
Municipal election : भाजपमध्ये उमेदवारीवरून स्फोट; कुणाला भोवळ, कुणाचा आक्रोश
गौरवी शिवलकर नार्वेकर या मकरंद नार्वेकर यांच्या पत्नी असून त्या प्रभाग क्रमांक २२७ मधून निवडणूक लढवत आहेत. स्थानिक पातळीवर महिला मतदारांमध्ये त्यांचा संपर्क आहे आणि सामाजिक कार्यातही त्यांनी सहभाग घेतला आहे. त्यामुळे त्यांच्या उमेदवारीकडे विशेष लक्ष लागले आहे. हर्षिता नार्वेकर या प्रभाग क्रमांक २२५ मधून निवडणूक लढवत आहेत. नार्वेकर कुटुंबातील तिसरी उमेदवार म्हणून त्यांची नोंद झाली आहे. एका कुटुंबातील तीन सदस्य वेगवेगळ्या प्रभागातून निवडणूक लढवत असल्याने हा प्रकार विशेष ठरला आहे.
Municipal election : जिल्हा सहसंपर्कप्रमुख किशोर जैन यांनी हाती बांधले घड्याळ
या तिन्ही उमेदवारांच्या उमेदवारीमुळे नार्वेकर कुटुंबाचे राजकीय बळ स्पष्ट झाले आहे. स्थानिक पातळीवर त्यांचा प्रभाव आहे आणि मतदारांशी असलेला संपर्क त्यांना फायद्याचा ठरू शकतो. मात्र एकाच कुटुंबातील अनेक सदस्यांना उमेदवारी देणे म्हणजे राजकारणात घराणेशाहीला प्रोत्साहन देणे, असा सूरही उमटत आहे.
