Fadnavis present at Durves, Shinde at Wadala, Pawar at Katewadi and Bhuse at Tungan Digars school : फडणवीस दुर्वेसच्या, शिंदे वडाळा, पवार काटेवाडी तर भुसे तुंगण दिगरच्या शाळेत राहणार उपस्थित!
mumbai: राज्यात विदर्भ वगळता इतर विभागांमध्ये सोमवार 16 जून, 2025 रोजी शाळा सुरू होणार असून शाळा प्रवेशोत्सवाला पहिल्याचंदिवशी मुख्यमंत्र्यांसह मान्यवर वेगवेगळ्या शाळांमध्ये उपस्थित राहून विद्यार्थ्यांचे स्वागत करणार आहेत.
मुख्यमंत्री देवेंद्र फडणवीस जिल्हा परिषद केंद्रीय प्राथमिक शाळा दुर्वेस, तालुका, जिल्हा पालघर या शाळेत विद्यार्थ्यांचे स्वागत करण्यासाठी उपस्थित राहणार आहेत, अशी माहिती शालेय शिक्षण विभागामार्फत देण्यात आली आहे.
तसेच उपमुख्यमंत्री एकनाथ शिंदे हे मनपा शाळा क्रमांक 23, किसन नगर, ठाणे तसेच शिवडी वडाळा इस्टेट मनपा शाळा, आंध्रा हायस्कूल जवळ, वडाळा या शाळेत उपस्थित राहतील तर उपमुख्यमंत्री अजित पवार हे जिल्हा परिषद प्राथमिक शाळा काटेवाडी, तालुका बारामती, जिल्हा पुणे आणि जिल्हा परिषद प्राथमिक शाळा जरेवाडी, तालुका पाटोदा, जिल्हा बीड येथे भेट देतील.
Anand paranjpe : त्यांची गुन्हेगारी आणि आर्थिक घोटाळे सात दिवसात बाहेर काढणार
शालेय शिक्षण मंत्री दादाजी भुसे हे जिल्हा परिषद प्राथमिक शाळा, तुंगण दिगर तालुका बागलाण, जिल्हा नाशिक येथे विद्यार्थ्यांचे स्वागत करतील. शालेय शिक्षण राज्यमंत्री डॉ. पंकज भोयर हे जिल्हा परिषद उच्च प्राथमिक शाळा करंजी, ता. जि. वर्धा येथे भेट देऊन विद्यार्थ्यांचा प्रवेशोत्सव साजरा करणार आहेत. यासोबतच राज्यातील विविध शाळांमधील विद्यार्थ्यांच्या स्वागतासाठी लोकप्रतिनिधी व प्रशासकीय अधिकारी उपस्थित राहणार आहेत, अशी माहिती शालेय शिक्षण विभागामार्फत देण्यात आली आहे.
