People ended casteism : सिद्धार्थ खरात यांची विरोधकांवर बोचरी टीका; लोकांनीद जातीवाद संपुष्टात आणला
Mehekar मेहकर विधानसभा मतदार संघाचे आमदार सिद्धार्थ खरात प्रचंड बहुमताने निवडून आले. त्यानंतर पहिल्यांदाच उकळी सुकळी येथे त्यांची पेढे तुला व घोड्यावरून भव्य मिरवणूक काढण्यात आली. तसेच नागरी सत्काराचे आयोजन करण्यात आले होते. या सत्काराला उत्तर देताना आमदार सिद्धार्थ खरात यांनी विरोधकांवर बोचरी टीका केली.
माझ्या डोक्यात अजून आमदारकी येईना आणि त्यांच्या डोक्यातली आमदारकी काही जाईना. ते अजूनही रखडलेल्या कामांचे अनधिकृतपने उद्घाटन करीत जनतेत मिरवत आहेत. इतक्या दिवस विकासाच्या नावाने बोंब ठोकली. केवळ जाती पातीचे राजकारण करता, आतापर्यंत दहशतवाद, दडपशाही, गुंडशाहीने राजकारण केले. आता मात्र या पुढे गुंड प्रवृत्ती, दडपशाही खपवून घेतली जाणार नाही. येथील जनतेने जातीवाद संपुष्टात आणला आहे, असं ते म्हणाले.
Shivsena Uddhav Balasaheb Thackeray : अकोल्यात शिवसेना ठाकरे गटाला धक्का !
त्याहीपेक्षा जास्त आनंद आहे तो या मतदारसंघाला जातीयवादाचा लागलेला कलंक तुम्ही पुसून काढला. आता आपल्याला सर्वांनासोबत घेऊन जिल्हा परिषद सदस्य, पंचायत समिती सदस्य, ग्राम पंचायती, जास्तीच जास्त निवडून आणायच्या आहे. आपल्याला विकासाचे राजकारण करायचे आहे. कोणी आडवा आला तर त्याला जसेच्या तसेच उत्तर दिले जाईल. केंद्रात आणि राज्यात कोणाचेही सरकार असले तरी मात्र मेहकर मतदार संघात आपले राज्य आहे. घाबरण्याचे कारण नाही, असेही खरात म्हणाले.
Amravati Municipal Corporation : काँग्रेस आक्रमक, अमरावती महापालिका धडकला मोर्चा
रखडलेल्या कामांची चौकशी होईल
रखडलेल्या कामांची चौकशी करण्यात येईल. कोणालाही सोडणार नाही. असा इशारा आमदार सिद्धार्थ खरात यांनी यावेळी दिला. या कार्यक्रमाला आशिष भाऊ राहाटे उपजिल्हाप्रमुख शिवसेना, शिवसेना शहर प्रमुख किशोर भाऊ गारोळे, तालुकाध्यक्ष निंबाभाऊ पांडव, दत्ताभाऊ घनवट तालुका अध्यक्ष राष्ट्रवादी काँग्रेस पक्ष, ॲड.आकाश घोडे तालुकाधिकारी युवा सेना, ॲड. संदीप गवई,मराठा सेवा संघाचे प्रदिप बिल्लोरे पाटील, ऋषी जगताप, अमोल जगताप उपस्थित होते. या कार्यक्रमाचे मुख्य आयोजक अमोल बोरे, दसरथ बोरे,सुरेश सोनवणे, राजू धांडे, पंजाब जाधव, अशोक सवडतकर, अनिल बोरे यांनी केले होते तर सचिन नवले, नागेश नवले, रामेश्वर सासवडकर, सतीश सासवडकर, देविदास नालेगावकर, गणेश नवले, माजी सरपंच अनंता शिल्लोडे, किशोर तृकमाने, तृकमाने, बबन तृकमाने, सुभाष मोरे, गजानन मोरे, तुकाराम तृकमाने यांची उपस्थिती होती.
