Chandrapur pollution: Mungantiwar’s question and CSTP’s, Vekoli’s guarantee seized : प्रतिबंधात्मक कार्यवाही सुरु असल्याची पर्यावरण मंत्री पंकजा मुंडे यांची माहिती
Mumbai : चंद्रपूर जिल्ह्यात सीएसटीपीएस (चंद्रपूर सुपर थर्मल पॉवर स्टेशन) आणि डब्ल्यूसीएल (वेस्टर्न कोल फिल्डस लि.) यांमुळे इतके प्रदूषण होते की, जनता अक्षरशः त्रासली आहे. या प्रदूषणाबाबत राज्याचे माजी वने सांस्कृतिक कार्य व मत्स्यव्यवसाय मंत्री आमदार सुधीर मुनगंटीवार यांनी विधानसभेत तारांकित प्रश्न उपस्थित केला. त्यावर सीएसटीपीएम आणि वेकोलि या दोन्ही उद्योगांची गॅरेंटी जप्त करण्यात आली, अशी माहिती पर्यावरण मंत्री पंकजा मुंडे यांनी सभागृहात दिली.
चंद्रपूर येथे महाऔष्णिक विद्युत केंद्र प्रकल्पातून निघणाऱ्या धुळीमुळे प्रदुषणात वाढ झाल्याबाबतच्या तक्रारीच्या अनुषंगाने जिल्हाधिकारी, चंद्रपूर व महाराष्ट्र प्रदूषण नियंत्रण मंडळ यांनी दि. १७/०१/२०२५ रोजी चंद्रपूर महाऔष्णिक विद्युत केंद्र व वेस्टर्न कोलफिल्ड लिमिटेडच्या मे. दुर्गापुर खुली खाण या उद्योगांची पाहणी करण्यात आली.
Sudhir Mungantiwar : औरंगजेबच्या उदात्तीकरणावर मुनगंटीवार आक्रमक
भेटीदरम्यान आढळुन आलेल्या त्रुटींच्या अनुषंगाने संबंधित उद्योगांवर नियामाप्रमाणे आवश्यक कारवाई करण्यात आली आहे. चंद्रपूर महाऔष्णिक विद्युत केंद्र या उद्योगास १७/०१/२०२५ रोजी कारणे दाखवा नोटीस बजावली. त्या अनुषंगाने सदर उद्योगाने ३०/०१/२०२५ रोजीच्या पत्रान्वये अनुपालन अहवाल सादर केला आहे. तसेच, वेस्टर्न कोलफिल्ड लिमिटेड दुर्गापुर या उद्योगास २९/०१/२०२५ रोजी कारणे दाखवा नोटीस बजावली.
सदर उद्योगाने ०७/०२/२०२५ रोजीच्या पत्रान्वये अनुपालन अहवाल सादर केला आहे. तसेच उपरोक्त दोन्ही उद्योगांची अनुक्रमे रू. १५.०० लक्ष व रू. ५.०० लक्ष बँक हमी जप्त करण्यात आली आहे, अशी माहिती पर्यावरण मंत्री पंकजा मुंडे यांनी आमदार सुधीर मुनगंटीवार यांच्या तारांकित प्रश्नाच्या लेखी उत्तरात दिली.
Sudhir Mungantiwar : मुनगंटीवार यांच्या प्रयत्नांमुळे शेतकऱ्यांना मिळतेय डीजीटल गती
चंद्रपूर जिल्ह्यातील ऊर्जानगर, कोंडी व नेरी येथील वेकोलि दुर्गापूर सीएचपी बंकर, सीएचपी रोप-वे व महाऔष्णीक विद्युत केंद्र प्रकल्पातून २४ तास निघणाऱ्या धुळीमुळे परिसरात मोठ्या प्रमाणात वायुप्रदुषण होत असल्याची बाब आमदार सुधीर मुनगंटीवार यांनी मुळ तारांकित प्रश्नाच्या माध्यमातून निदर्शनास आणली. प्रदुषणामुळे नागरिकांना श्वसनाच्या व त्वचेच्या होणाऱ्या विकारांमुळे नागरिकांचे आरोग्य धोक्यात आले आहे.
Sudhir Mungantiwar : खेळाडूंनो आपल्या क्षेत्रात पुढे जा, सदैव तुमच्या पाठीशी !
ही प्रदुषणकारी उपकरणे हटविण्याची मागणी आमदार मुनगंटीवार यांनी केली. चंद्रपूर तालुक्यातील येरूर येथील एमआयडीसीतील कारखान्यामुळे तसेच अल्ट्राटेक व माणिकगड सिमेंट कंपन्यामुळे गडचांदूर, नांदा फाटा व लगतच्या गावांमध्ये जल व वायू प्रदूषणामुळे शेतकऱ्यांच्या शेतपिकांचे नुकसान होत असल्याची बाबही आमदार मुनगंटीवार यांनी तारांकित प्रश्नाद्वारे निदर्शनास आणून दिली. या विषयाबाबत प्रदूषण नियंत्रण मंडळामार्फत प्रतिबंधात्मक कार्यवाही करण्यात येत असल्याचे पर्यावरण मंत्र्यानी लेखी उत्तरात सांगितले.
