Bhondu Baba robbed by saying that he will perform miracles : भोंदू बाबासह दोघांना अटक; ५५ हजारांनी फसवणूक
Wardha माझ्यात अतींद्रिय शक्ती आहे. चमत्कार करून तुमच्या पायाचा आजार बरा करतो, असे म्हणत भाेंदू बाबाने एका व्यक्तीकडून ५५ हजार रुपये उकळूले. पण त्यांनी सतर्कता दाखवत डायल ११२ नंबर डायल करून माहिती दिली. पोलिसांनी घटनास्थळ गाठून भोंदू बाबासह दोघांना अटक केली. शहर पोलिसांत तिघांविरुद्ध गुन्हा दाखल केला.
सलाउद्दीन अब्दुल हफीज, अजीजन सलाउदीन अब्दुल हफीज, सायरा बानो शरीफ अशी आरोपींची नावे आहे. सर्व राजस्थान येथील राहणारे आहेत. प्रकाश पुंडलिक शिंदे (६५, रा. सुदामपुरी) यांचा उजव्या पायाचा गुडघा दुखत असल्याने त्यांना त्रास होता. अनेक उपचार करूनही आजार बरा होत नव्हता.
Dr. Pankaj Bhoyar : लोकांपर्यंत योजना पोहोचविण्याची जबाबदारी प्रशासनाची
एक दिवस त्यांना घराजवळच एक आवाज आला. ‘माझ्यात अतींद्रिय शक्ती आहे. मी तपस्या करून ती मिळवली आहे. तुमच्यावर कुणीतरी जादूटोणा केला आहे. पाय दुरुस्त करण्यासाठी ८५ हजार रुपये लागतील’, असं तो म्हणाला. विश्वास संपादन केला. ५० हजार रुपये देण्याचे ठरले. मात्र, शिंदे यांना फसवणूक झाल्याचे कळताच त्यांनी याबाबतची माहिती डायल ११२ वर दिली आणि पोलिसांना बोलावून घेतले. पोलिसांनी तिघांना अटक करून गुन्हा दाखल केला.
प्रकाश शिंदे यांच्या गुडघ्याला आरोपींनी तेल लावले. एका ग्लासमधील पाण्यावर मंत्र मारून ते त्याने जवळ ठेवले. प्लास्टिकची पोकळ नळी गुडघ्याला लावून त्यातून काहीतरी लाल द्रव्य बाहेर काढले. हे अशुद्ध रक्त असून तुमचा पाय दुरुस्त करतो. असे म्हणत विश्वास संपादन करून पैसे उकळले. मात्र, पाय दुखणे थांबले नाही. तेव्हा फसवणूक झाल्याचे लक्षात आले.
प्रकाश शिंदे घराबाहेर बसले असताना त्यांना दुसरे दोन भोंदू भेटले. त्यांनीदेखील आम्ही तुमचा पाय दुरुस्त करून देतो, असे सांगितले. प्रकाश यांना संशय आल्याने त्यांनी त्यांना घरात बोलवत पाच हजार रुपये दिले. जुना व्हिडीओ दाखवला. तेव्हा आरोपी घाबरले.
Delhi Sahitya Sammelan : साहित्य संमेलनाच्या पार्श्वभूमीवर ‘ऑनलाईन जागर’!
आराेपींनी ते सर्व जण आपल्याच टोळीतील असून आम्ही पैसे परत करतो, असेही सांगितले. त्यांनी ५० हजार रुपये प्रकाश यांना परत केले. मात्र, आणखी कुणाची फसवणूक होऊ नये, म्हणून त्यांनी पोलिसांना कळविले. पोलिसांनी आरोपींना बेड्या ठोकल्या.
