Devendra Fadnavis recalls Mungantiwar’s record tree plantation drive; renews pledge for a greener Maharashtra : फडणवीसांचा पुढील सात वर्षांत ३०० कोटी झाडे लावण्याचा संकल्प
Mumbai : राज्यात पर्यावरण संवर्धनासाठी करण्यात आलेल्या वृक्षारोपण मोहिमेबाबत मुख्यमंत्री देवेंद्र फडणवीस यांनी मोठा दावा करताना माजी वनमंत्री सुधीरभाऊ मुनगंटीवार यांच्या कार्याचा विशेष उल्लेख केला. २०१४ ते २०१९ या कालावधीत वनमंत्री म्हणून काम करत असताना सुधीरभाऊ मुनगंटीवार यांनी तब्बल ५० कोटी वृक्षारोपणाचा ऐतिहासिक विक्रम घडवून आणला होता. ही केवळ घोषणा नव्हती, तर प्रत्यक्षात राबवलेला मोठा उपक्रम होता, असे त्यांनी स्पष्ट केले.
अभिनेता आमिर खान यांनी घेतलेल्या मुलाखतीत मुख्यमंत्री फडणवीस यांनी राज्यातील वृक्षलागवड मोहिमेबाबत सविस्तर माहिती दिली. त्यांनी सांगितले की, महाराष्ट्र सरकारने पुढील सात वर्षांत तब्बल ३०० कोटी झाडे लावण्याचा भव्य संकल्प केला आहे. हा संकल्प केवळ कागदावर राहणारा नसून तो प्रत्यक्षात पूर्ण करण्याची क्षमता राज्य सरकारकडे आहे, कारण यापूर्वीही अशा मोठ्या प्रमाणावर वृक्षारोपण यशस्वीपणे करून दाखवले आहे.
Sudhir Mungantiwar : मुनगंटीवारांचे ऐतिहासिक पाऊल, धाराशिवकरांकडून कौतुक!
फडणवीस म्हणाले की, २०१४ नंतर राज्यात मोठ्या प्रमाणावर वृक्षलागवड मोहीम राबवण्यात आली. त्या काळात वन विभागाच्या माध्यमातून राज्यभरात जनसहभागातून वृक्षारोपण करण्यात आले आणि त्यातून तब्बल ५० कोटी झाडे लावण्याचा विक्रम झाला. या मोहिमेमुळे पर्यावरण संरक्षणाच्या दृष्टीने महाराष्ट्राने देशात वेगळी ओळख निर्माण केली.
या उपक्रमाची सत्यता आणि परिणामकारकता २०२० मध्ये आलेल्या भारतीय वन सर्वेक्षणाच्या अहवालातूनही स्पष्ट झाल्याचे मुख्यमंत्री म्हणाले. त्या अहवालानुसार देशात वनक्षेत्र आणि वृक्ष आच्छादन वाढलेले राज्य म्हणून महाराष्ट्र ठळकपणे समोर आले. त्यामुळे राज्यात झालेल्या वृक्षलागवडीच्या कामाला अधिकृत मान्यता मिळाली आणि या मोहिमेची विश्वासार्हता सिद्ध झाली.
Sudhir mungantiwar : धारदार आयुधांचा ‘अनुभवी’ वापर आणि आ.सुधीर मुनगंटीवार यांची धडाकेबाज मांडणी
मुख्यमंत्री फडणवीस यांनी सांगितले की, महाराष्ट्रात वृक्षलागवड ही केवळ सरकारी कार्यक्रम न राहता लोकचळवळ बनली होती. शासकीय यंत्रणा, स्वयंसेवी संस्था, शाळा, महाविद्यालये तसेच सामान्य नागरिक यांच्या सहभागामुळे ही मोहीम मोठ्या प्रमाणावर यशस्वी झाली. त्यामुळे भविष्यातही अशाच प्रकारे लोकसहभागातून पर्यावरण संवर्धनाचे काम पुढे नेले जाईल.
पुढील सात वर्षांत ३०० कोटी झाडे लावण्याचे उद्दिष्ट ठेवताना राज्य सरकार अधिक व्यापक नियोजन करत असल्याचेही त्यांनी सांगितले. जलसंधारण, जैवविविधता संवर्धन आणि हवामान बदलाचा परिणाम कमी करण्यासाठी मोठ्या प्रमाणावर वृक्षलागवड आवश्यक असल्याचे त्यांनी नमूद केले.
Sudhir Mungantiwar : राज्याच्या सर्वांगीण विकासाचा दूरदृष्टीपूर्ण संकल्प – आ. सुधीर मुनगंटीवार
मुख्यमंत्री म्हणाले की, आम्ही केवळ स्वप्ने दाखवणारे सरकार नाही. आम्ही जे बोलतो ते करून दाखवतो. ५० कोटी वृक्षारोपणाचा विक्रम हा त्याचाच पुरावा आहे. त्यामुळे पुढील काळातही अधिक मोठ्या प्रमाणावर वृक्षलागवड करून महाराष्ट्र पर्यावरण संवर्धनाच्या क्षेत्रात देशात अग्रस्थानी राहील, असा विश्वास त्यांनी व्यक्त केला.
__
