sindhudurg-kankavli-sushant-dalvi-suspicious-death-crime-news-marathi : डोक्यात गोळी लागल्याची शक्यता, रक्ताचे डाग आढळल्याने घातपाताचा संशय
Mumbai: सिंधुदुर्ग जिल्ह्यातील कणकवली शहर आज एका धक्कादायक घटनेने हादरले असून प्रसिद्ध बांधकाम व्यावसायिक सुशांत दळवी यांचा मृतदेह संशयास्पद परिस्थितीत आढळून आला आहे. मुरेडोंगरी परिसरातील मोहनमळा येथे सकाळच्या सुमारास स्थानिकांना हा मृतदेह दिसून आला आणि त्यानंतर संपूर्ण परिसरात एकच खळबळ उडाली.
प्राथमिक माहितीनुसार, सुशांत दळवी यांच्या डोक्याला गंभीर इजा झालेली असून ती बंदुकीच्या गोळीमुळे झाल्याची शक्यता व्यक्त केली जात आहे. मृतदेहाच्या काही अंतरावर रक्ताचे डागही आढळून आले आहेत. त्यामुळे हा प्रकार घातपाताचा असू शकतो, असा संशय पोलिसांकडून व्यक्त केला जात आहे. मात्र, नेमका मृत्यू कशामुळे झाला याबाबत अद्याप अधिकृत पुष्टी झालेली नाही.
Ashok kharat case : अशोक खरात प्रकरणाला नवे वळण; एसआयटी तपासात धक्कादायक बाबी उघड
घटनेची माहिती मिळताच कणकवली पोलीस तातडीने घटनास्थळी दाखल झाले असून पंचनामा सुरू करण्यात आला आहे. परिसराची नाकेबंदी करण्यात आली असून पुरावे गोळा करण्याचे काम सुरू आहे. घटनेचे गांभीर्य लक्षात घेऊन फॉरेन्सिक पथकाला देखील पाचारण करण्यात आले आहे. दळवी यांच्या मृत्यूमागील नेमके कारण शोधण्यासाठी सर्व बाजूंनी तपास केला जात आहे.
या प्रकरणात सीसीटीव्ही फुटेजची तपासणी केली जाण्याची शक्यता असून, दळवी यांच्या संपर्कातील व्यक्तींचीही चौकशी होण्याची शक्यता आहे. एक प्रतिष्ठित बांधकाम व्यावसायिकाचा अशा प्रकारे मृतदेह आढळल्यामुळे कणकवली तालुक्यात भीतीचे आणि चर्चेचे वातावरण निर्माण झाले आहे.
Ravi Rana : अमरावती पोलिसांबद्दल काही आमदारांची नाराजी, रवी राणांकडून मात्र कौतुक
दरम्यान, हा प्रकार हत्या आहे की आत्महत्येचा किंवा अन्य कोणत्या कारणामुळे मृत्यू झाला, याचा उलगडा पुढील तपासानंतरच होणार आहे. पोलिसांकडून तपासाला वेग देण्यात आला असून येत्या काही दिवसांत या प्रकरणात महत्त्वाचे खुलासे होण्याची शक्यता व्यक्त केली जात आहे.
