baramati-byelection-2026-sunetra-pawar-akash-more-congress-condition : आकाश मोरे यांच्या भूमिकेमुळे सुनेत्रा पवारांपुढे प्रश्न, काँग्रेसची वेगळीच चाल
Baramati : बारामती विधानसभा मतदारसंघातील पोटनिवडणूक सध्या राज्याच्या राजकारणात चर्चेचा केंद्रबिंदू ठरली आहे. येत्या २३ एप्रिल रोजी या निवडणुकीसाठी मतदान होणार असून ४ मे रोजी निकाल जाहीर केला जाणार आहे. अजित पवार यांच्या निधनानंतर निर्माण झालेल्या राजकीय परिस्थितीत उपमुख्यमंत्री सुनेत्रा पवार या स्वतः निवडणुकीच्या रिंगणात उतरल्या आहेत. महायुतीकडून ही निवडणूक बिनविरोध व्हावी, यासाठी सुरुवातीपासून प्रयत्न सुरू होते. त्याच पार्श्वभूमीवर सुनेत्रा पवार यांनी उद्धव ठाकरे आणि काँग्रेसचे प्रदेशाध्यक्ष हर्षवर्धन सपकाळ यांच्याशी संपर्क साधून पाठिंबा मागितल्याचे समोर आले होते.
मात्र या प्रयत्नांना यश आले नाही. काँग्रेसने अखेर दिल्लीतून बारामती पोटनिवडणुकीसाठी आपल्या उमेदवाराची घोषणा केली. काँग्रेसकडून आकाश मोरे यांना उमेदवारी देण्यात आली असून ते सुनेत्रा पवार यांच्या विरोधात निवडणूक लढवणार आहेत. आतापर्यंत या पोटनिवडणुकीसाठी एकूण १९ जणांनी उमेदवारी अर्ज दाखल केले असून आज सुनेत्रा पवार आणि आकाश मोरे हे अधिकृतरित्या अर्ज भरणार आहेत. याशिवाय ओबीसी आंदोलनाशी संबंधित लक्ष्मण हाके यांच्याकडूनही उमेदवारी अर्ज दाखल होण्याची शक्यता व्यक्त केली जात आहे. त्यामुळे या निवडणुकीत २० पेक्षा अधिक उमेदवार मैदानात उतरण्याची शक्यता आहे.
Prakash Ambedkar : वंचितच्या नेत्यांनी सोडली आंबेडकरांची साथ, शिवसेनेत प्रवेश
या घडामोडींमध्ये आकाश मोरे यांनी निवडणुकीतून माघार घेण्याबाबत महत्त्वाची अट पुढे केली आहे. लोकशाही जपण्यासाठी आम्ही निवडणूक लढवत आहोत आणि आमचा मुख्य राजकीय विरोधक भाजप आहे, असे त्यांनी स्पष्ट केले. त्याचबरोबर अजित पवार यांच्या विमान अपघाताच्या तपासाचा मुद्दाही त्यांनी उपस्थित केला आहे. राज्य सरकारने या अपघाताबाबत गुन्हा दाखल केल्यास उमेदवारी मागे घेण्याचा पुनर्विचार करू, अशी भूमिका आकाश मोरे यांनी मांडली आहे. त्यामुळे आता महायुती सरकार काँग्रेसची ही अट मान्य करणार का, याकडे सर्वांचे लक्ष लागले आहे.
Sajid Khan Pathan : आमदाराच्या गाडीला फॅन्सी नंबर प्लेट, ५०० रुपयांचा दंड
सध्या बारामतीमध्ये सुनेत्रा पवार यांचे पारडे जड मानले जात असले तरी स्थानिक सामाजिक समीकरणांवर निकाल अवलंबून राहू शकतो. विशेषतः धनगर आणि ओबीसी मतदारांच्या भूमिकेमुळे निवडणुकीत अनपेक्षित बदल घडू शकतात. बारामती हा पवार कुटुंबाचा पारंपरिक बालेकिल्ला मानला जातो आणि अजित पवार यांनी या मतदारसंघातून अनेक वेळा मोठ्या मताधिक्याने विजय मिळवला होता. ही परंपरा कायम राखण्यासाठी सुनेत्रा पवार प्रयत्नशील असून या पोटनिवडणुकीचा निकाल राज्याच्या राजकारणासाठी महत्त्वाचा ठरणार आहे.
