Collector’s appeal; Don’t be afraid of the virus : आवश्यक दक्षता घ्यावी : जिल्हाधिकारी अजित कुंभार यांचे आवाहन
Akola एचएमपीव्ही HMPV विषाणूची नागरिकांनी नाहक भीती बाळगू नये. मात्र, आवश्यक दक्षता घेण्याचे आवाहन जिल्हाधिकारी अजित कुंभार यांनी केले आहे. कोरोनानंतर पुन्हा एकदा चीनमधून आलेल्या या विषाणूने भारतीय नागरिकांमध्ये भीतीचे वातावरण आहे. विशेषतः महाराष्ट्रात या विषाणूने प्रवेश केल्यामुळे नागरिकांमध्ये दहशत आहे. तसेच सोशल मीडियावर लोकांना घाबरविणारे मेसेजेस येत आहेत. पण जिल्हाधिकाऱ्यांनी घाबरू नका, असे आवाहन केले आहे.
Nagpur Zilla Parishad : फक्त व्याजातून मिळाले सव्वासात कोटी !
जिल्ह्यात सर्दी-खोकला, सारी याबाबत गतिमान सर्वेक्षण करा. तसेच अहवाल सादर करण्याचे निर्देश जिल्हाधिका-यांनी आरोग्य यंत्रणेला दिले आहेत. सध्या चीनमध्ये मानवी मेटान्यूमोव्हायरस (एचएमपीव्ही) या आजाराचे रुग्ण वाढल्याच्या बातम्या येत आहेत. हा आजार तीव्र श्वसन संसर्गाचे एक प्रमुख कारण आहे.
हा विषाणू सर्वप्रथम 2001 मध्ये नेदरलँडमध्ये आढळला. हा एक सामान्य श्वसन विषाणू आहे. त्यामुळे श्वसनमार्गाच्या वरील भागात (सर्दीसारखा) संसर्ग होतो. हा एक हंगामी स्वरूपाचा आजार आहे. तो सामान्यत: आरएसव्ही आणि फ्लूप्रमाणेच हिवाळा आणि उन्हाळ्याच्या सुरुवातीला उद्भवतो. खबरदारीचा भाग म्हणून नागरिकांनी श्वसनाच्या संसर्गापासून बचाव करावा. पण त्यासाठी काय करावे आणि काय करू नये, याबाबत सार्वजनिक आरोग्य विभागाने सूचना केल्या आहेत. त्याचे अकोला जिल्ह्यातील नागरिकांनी पालन करावे, असे आवाहन जिल्हाधिकाऱ्यांनी केले.
Local Body Elections : निवडणुकीच्या घोषणेपूर्वीच बाशिंग बांधून तयार !
ही आहेत लक्षणे
खोकला येणे, ताप येणे, घसा खवखवणे, नाक वाहणे, श्वास घेण्यास त्रास होणे अशी लक्षणे आढळल्यास नागरिकांनी घाबरून न जाता काळजी घ्यावी.
हे अवश्य करा
– जेव्हा आपल्याला खोकला किंवा शिंका येत असतील तेव्हा आपले तोंड आणि नाक रुमाल किंवा टिश्यूपेपरने झाका
– साबण, पाणी किंवा सॅनिटायझरने आपले हात वारंवार धुवा
– ताप, खोकला किंवा शिंका येत असल्यास सार्वजनिक ठिकाणांपासून दूर राहा.
– भरपूर पाणी प्या आणि पौष्टिक खा.
– संक्रमण कमी करण्यासाठी सर्व ठिकाणी पुरेसे व्हेंटिलेशन होईल याची दक्षता घ्या.
हे करू नका
– टिश्यु पेपर आणि रुमालाचा पुनर्वापर करू नका
– आजारी लोकांशी जवळचा संपर्क ठेवू नका
– डोळे नाक आणि तोंडाला वारंवार स्पर्श करू नका.
– सार्वजनिक ठिकाणी थुंकू नका
– डॉक्टरांच्या सल्ल्याशिवाय उपचार घेऊ नका
