devendra fadnavis fake pmo secretary arrested : पोलिसांच्या सतर्कतेमुळे भांडाफोड, दोघे अटकेत
Chhatrapati SambhajiNagar : छत्रपती संभाजीनगर जिल्ह्यात मुख्यमंत्री देवेंद्र फडणवीस यांच्या कार्यक्रमात एक धक्कादायक आणि गोंधळात टाकणारी घटना उघडकीस आली आहे. धुळे- सोलापूर रोडवरील तिसगाव येथे मुख्यमंत्री फडणवीस एका कार्यक्रमासाठी आले असताना, एक व्यक्ती स्वतःला पंतप्रधान कार्यालयाचा सचिव असल्याचे सांगत कार्यक्रमस्थळी मुक्तपणे वावरत होता. एवढेच नाही तर या तोतया अधिकाऱ्याने मुख्यमंत्री देवेंद्र फडणवीस यांच्या उपस्थितीत आपला सत्कारही करून घेतला. पण सतर्क पोलिसांच्या नजरेत तो संशयास्पद वाटताच चौकशी केली आणि संपूर्ण भांडाफोड झाला.
अशोक भारत ठोंबरे (रा. दिल्ली, मूळ उंदरी, ता. केज, जि. बीड) असे या मुख्य आरोपीचे नाव असून, त्याच्यासोबत बॉडीगार्डची भूमिका बजावणारा विकास प्रकाश पांडागळे (रा. पुणे) यालाही अटक करण्यात आली आहे. पोलिसांनी जेव्हा त्यांची चौकशी केली तेव्हा त्यांच्या सुटकेसमधून “भारत सरकार” अशी मराठी आणि इंग्रजी भाषेतील पाट्या, राष्ट्रध्वज आणि अधिकाऱ्यांचे सिम्बॉलिक साहित्य आढळून आले. त्यावरून ही तोतयागिरी आधीपासून सुरू असल्याचा संशय बळावला आहे.
या घटनेनंतर पोलिसांनी दोघांना ताब्यात घेऊन तपास वाढवला आहे. या व्यक्तींनी यापूर्वीही “PMO सचिव” असल्याचा खोटा आव आणून कुठे फसवणूक केली आहे का? कोणत्या कार्यक्रमांना ते पोहोचले होते? कोणाशी संबंध प्रस्थापित केले? याची सर्व बाजूंनी चौकशी सुरू आहे. या मोठ्या सुरक्षाव्यवस्थेत असा खोटा अधिकारी आत कसा शिरला, याबाबतही प्रशासन सतर्क झाले आहे.
Local Body Elections : रस्सीखेच, बंडखोरी अन् सस्पेन्स पॉलिटिक्स!
दरम्यान, राज्यभरात भाजपकडून नगरपरिषद व नगरपंचायत निवडणुकांची तयारी सुरू आहे. उमेदवारीवरून निर्माण होणाऱ्या नाराजीचा विचार करून पक्षाने नगराध्यक्षपदाच्या उमेदवारांना बंडखोरांची मनधरणी करण्याचे आदेश दिले आहेत. काही ठिकाणी याबाबत हालचाली सुरू झाल्या आहेत आणि जुने कार्यकर्ते, नाराज गट यांना सोबत घेऊन प्रचारयंत्रणा मजबूत करण्याच्या सूचना भाजप नेतृत्वाने दिल्या आहेत. त्यामुळे या प्रकरणामुळे राजकीय हालचालींच्या पार्श्वभूमीवर आणखी चर्चांना उधाण आले आहे.
Anil Deshmukh : सत्तेसाठी नैतिकता गहाण ठेवणाऱ्यांना पवार साहेबांवर बोलण्याचा अधिकार नाही !
याच दरम्यान, छत्रपती संभाजीनगर जिल्ह्यातील आणखी एका प्रकरणात पोलिसांना मोठे यश मिळाले आहे. पाचोड–पैठण रस्त्यावर छत्रपती संभाजीनगर जिल्हा मध्यवर्ती सहकारी बँकेच्या दावरवाडी शाखेत नेण्यात येणाऱ्या 25 लाख रुपयांची रोकड लुटण्यात आली होती. या गुन्ह्यानंतर स्थानिक गुन्हा शाखेने त्वरेने तपास सुरू करून अवघ्या 24 तासांत चार आरोपींना अटक केली. पकडलेल्या आरोपींमध्ये भारत राजेंद्र रूपेकर, विष्णु कल्याण बोधने, सचिन विठ्ठल सोलाट आणि विशाल दामोदर चांदणे यांचा समावेश आहे. पोलिसांनी त्यांच्या ताब्यातून 31 लाख 56 हजार रुपयांचा मुद्देमाल जप्त केला आहे.
एकीकडे मुख्यमंत्री कार्यक्रमात तोतया PMO अधिकाऱ्याचे प्रवेश प्रकरण तर दुसरीकडे बँक लूट प्रकरण अशा दोन वेगवेगळ्या घटनांनी छत्रपती संभाजीनगर जिल्ह्यात खळबळ माजली आहे. दोन्ही घटनांची तपासणी सुरू असून लवकरच अधिक माहिती समोर येण्याची शक्यता व्यक्त केली जात आहे.
_____
