Rs 25 crore approved for dilapidated bridge over Bagh river : पुनर्बांधणीसाठी २५ कोटी मंजूर;
Gondia आमगाव-सालेकसा Amgao Salekasa Road मार्गावरील बाघ नदीवरील जीर्ण पुलाच्या पुनर्बांधणीसाठी अखेर २५ कोटी रुपयांचा निधी मंजूर झाला आहे. अनेक वर्षांपासून हा पूल अत्यंत धोकादायक अवस्थेत होता. त्यामुळे नागरिकांनी वारंवार नवीन पुलाची मागणी केली होती. आता या मंजुरीनंतर लवकरच पुलाच्या बांधकामाला सुरुवात होणार आहे.
गोंदिया-आमगाव-सालेकसा राज्य मार्गावर हा पूल अनेक दशकांपासून वाहतुकीसाठी वापरण्यात येत आहे. मात्र, दीर्घकाळ दुरुस्ती न झाल्याने तो अत्यंत जीर्ण झाला होता. व्हीएनआयटी, नागपूर यांनी २०१८ मध्ये केलेल्या स्ट्रक्चरल ऑडिटमध्ये हा पूल धोकादायक असल्याचे स्पष्ट करण्यात आले होते. त्यानंतर सार्वजनिक बांधकाम विभागाने या पुलावरून जड वाहतूक बंद करण्याचे आदेश दिले होते.
गेल्या काही वर्षांपासून हा पूल दुरुस्तीअभावी जर्जर अवस्थेत होता. आमदार संजय पुराम यांनी या समस्येवर लक्ष केंद्रित करत शासनाकडे सातत्याने पाठपुरावा केला. त्यांनी सार्वजनिक बांधकाम विभागाला नवीन पूल उभारणीचा आराखडा तयार करण्याच्या सूचना दिल्या होत्या. ३१ मार्च २०२५ रोजी केंद्रीय रस्ते पायाभूत सुविधा निधी (CRIF) अंतर्गत २५ कोटी रुपयांची मंजुरी देण्यात आली.
गोंदिया-आमगाव-सालेकसा मार्ग हा आसपासच्या ग्रामीण भागांना जोडणारा महत्त्वाचा दुवा आहे. या मार्गावरून मोठ्या प्रमाणावर मालवाहतूक होते. छत्तीसगडच्या सीमेला लागून असल्याने हा पूल वाहतुकीसाठी अत्यंत महत्त्वाचा आहे. त्यामुळे नवीन पूल लवकरात लवकर तयार व्हावा, अशी नागरिकांची मागणी आहे.
Waqf amendment bill : हे तर धार्मिक आणि घटनात्मक अधिकारांचे उल्लंघन!
सध्या निविदा प्रक्रियेसाठी तयारी सुरू झाली असून, लवकरच बांधकाम सुरू होईल. नवीन पूल मजबूत आणि आधुनिक तंत्रज्ञानाने बांधण्यात येणार आहे. नवीन पुलामुळे आमगाव-सालेकसा मार्गावरील वाहतूक सुरळीत होईल. छत्तीसगडकडे जाणाऱ्या मालवाहतूकदारांना फायदा होणार आहे. प्रवाशांना अधिक सुरक्षित आणि जलद वाहतूक उपलब्ध होईल. निधी मंजुरीनंतर नागरिकांना आता काम वेळेत पूर्ण होण्याची अपेक्षा आहे.
