Changes in Buldhana Municipal Council Ward Structure : फक्त बुलढाण्यात झालेला अपवादात्मक दुरुस्तीचा निर्णय
Buldhana २०१६ नंतर तब्बल आठ वर्षांनी होणाऱ्या बुलढाणा नगरपरिषद निवडणुकीच्या हालचालींना वेग आला आहे. प्रशासनाने ३० सप्टेंबर रोजी अंतिम प्रभाग रचना जाहीर केली असून, भाजपने मांडलेले सर्व आक्षेप स्वीकारले गेल्याचे स्पष्ट झाले आहे. या निर्णयामुळे आगामी नगरपरिषद निवडणुकीच्या राजकीय समीकरणांवर मोठा परिणाम होण्याची शक्यता वर्तवली जात आहे.
भाजपच्या आक्षेपांनुसार प्रभाग १३ मधील एक गणक प्रभाग ५ मध्ये समाविष्ट करण्यात आला आहे. तसेच संबंधित भागातील लँडमार्क व सीमारेषा सुधारित करून चुकीच्या पद्धतीने केलेल्या प्रारंभिक रचनेत आवश्यक बदल करण्यात आले आहेत. राज्यातील इतर नगरपरिषदांच्या तुलनेत अशी दुरुस्ती केवळ बुलढाण्यात करण्यात आल्याचा दावा भाजपकडून करण्यात आला आहे.
Rahul Bondre : चिखलीत काँग्रेसकडून संविधान पूजन आणि मनुस्मृती दहन
१९ ऑगस्ट रोजी प्रारूप प्रभाग रचना जाहीर झाल्यानंतर ३१ ऑगस्टपर्यंत नागरिक व राजकीय पक्षांकडून तब्बल १५ आक्षेप दाखल करण्यात आले होते. १ ते ८ सप्टेंबरदरम्यान जिल्हाधिकाऱ्यांच्या प्रमुख उपस्थितीत सुनावणी घेण्यात आली. त्यानंतर ३० सप्टेंबर रोजी अंतिम आराखडा सार्वजनिक करण्यात आला.
पूर्वी बुलढाणा नगरपरिषदेची एकूण सदस्यसंख्या ३१ (२८ निवडून + ३ सहनियुक्त) होती. मात्र शहराच्या लोकसंख्येत झालेल्या वाढीमुळे यंदा एका प्रभागाची वाढ करण्यात आली असून दोन नगरसेवकांची भर पडली आहे. आता नगरपरिषदेत एकूण १५ प्रभाग व ३० नगरसेवक असतील.
आता सर्व राजकीय पक्षांचे लक्ष नगराध्यक्ष पदाच्या आरक्षणावर केंद्रीत झाले आहे. भाजपकडून अंतिम रचनेतील दुरुस्ती आपली राजकीय भूमिका बळकट करणारी असल्याचा दावा केला जात आहे, तर विरोधकांकडून या बदलांवर पडद्यामागील दबावाचे आरोप होण्याची शक्यता वर्तवली जात आहे.
Adv. Prakash Ambedkar : भाजप-संघाने ओबीसींचा विश्वासघात केला
२०१६ मधील निवडणुकीनंतरचा नगरपरिषदेचा कार्यकाळ ३ जानेवारी २०२१ रोजी संपला आणि त्यानंतर शहरात प्रशासक राज सुरू आहे. परिणामी नागरिकांच्या स्थानिक समस्या अद्याप प्रलंबितच राहिल्या आहेत. आता सर्वोच्च न्यायालयाच्या आदेशानंतर राज्यभरात स्थानिक स्वराज्य संस्थांच्या निवडणुकांची प्रक्रिया सुरू झाल्याने बुलढाण्यातील निवडणूक सरगर्मी चरमसीमेवर पोहोचली आहे.
