Nipun Maharashtra Yojana implementation failure : उन्हाळ्याच्या सुट्यांमध्ये पोळले जाताहेत विद्यार्थी
Gadchiroli जिल्हा परिषद शाळांमध्ये राबवला जात असलेला ‘निपुण महाराष्ट्र’ अभियानाचा निपुण कृती कार्यक्रम सध्या अनेक अडचणींनी ग्रासलेला आहे. उन्हाळ्याच्या सुट्ट्यांमध्ये दुसरी ते पाचवीच्या विद्यार्थ्यांना शिकवण्यासाठी सकाळी ८ ते १० वाजेपर्यंत शिकवणी घेतली जात आहे. मात्र, या वेळी मुलांना जेवण मिळत नाही. उपाशीपोटी शिकणाऱ्या विद्यार्थ्यांना शिक्षणापेक्षा उपासमार मोठी वाटतेय.
‘निपुण महाराष्ट्र’ अभियानाचा हेतू चांगला असला तरी त्याची अंमलबजावणी कमकुवत आहे. विद्यार्थ्यांना सकस जेवण, योग्य वेळ, आणि शिक्षकांची सुविधा मिळाली पाहिजे. पण सध्या या सर्व गोष्टींचा अभाव आहे. त्यामुळे या उपक्रमाचा फायदा कमी आणि त्रास जास्त होत आहे.
Caste Census : जातीय जनगणनेचा निर्णय बिहार निवडणुकीच्या पार्श्वभूमीवर !
शाळांना सुट्ट्या असल्याने मध्यान्ह भोजन योजना बंद आहे. काही शाळांमध्ये धान्य असले तरी ते शिजवून देण्याची परवानगी नाही. अशा वेळी मुलांना खाऊ न देता अभ्यासाला बसवणे योग्य नाही. शिक्षकांसमोर मुलांच्या जेवणाचा खर्च कुठून करायचा, हाही प्रश्न आहे.
शासनाने तात्काळ विद्यार्थ्यांसाठी जेवणाची व्यवस्था करावी. शिक्षक व प्रशिक्षणार्थींना पूर्ण वेतन दिले जावे. तसेच, या उपक्रमाचे योग्य नियोजन करून त्याचा खरा लाभ विद्यार्थ्यांपर्यंत पोहोचवावा. अन्यथा ‘निपुण कृती’ हा फक्त कागदावरच यशस्वी वाटेल.
India – Pakistan War : मोदींचं भाषण अमेरिकेला इशारा देणारं असायला हवं होतं !
शिक्षक कामावर, पण वेतन नाही
या कार्यक्रमात युवा प्रशिक्षणार्थी नियमितपणे काम करत आहेत. काही कंत्राटी शिक्षकही रोज येऊन शिकवत आहेत. पण त्यांचे करार संपले आहेत आणि त्यांना मानधनही मिळणार नाही, असे सांगितले जाते. नवीन सत्र सुरू झाल्यावरच ते पुन्हा रुजू होतील, पण सध्या ते विनामोबदला काम करत आहेत.
