Drugs Found at Resort Owned by Deputy CM Shinde’s Brother? : सुषमा अंधारे यांनी काय केलेत आरोप?, राजकारणात खळबळ
Mumbai सुषमा अंधारे यांनी साताऱ्यातील ड्रग्ज प्रकरणावरून मोठे आरोप करत प्रकरणाला नवे वळण दिले आहे. त्यांनी स्पष्टपणे सांगितले की, पोलिसांनी ज्या ठिकाणी छापा टाकला तो ‘शेड’ नसून प्रत्यक्षात एक रिसॉर्ट होता आणि तो रिसॉर्ट प्रकरणाशी संबंधित प्रकाश शिंदे यांचा असल्याचा दावा त्यांनी केला. या वक्तव्यामुळे राजकीय वर्तुळात मोठी खळबळ उडाली आहे.
साताऱ्यातील ११५ कोटींच्या ड्रग्ज प्रकरणाने राज्यात मोठा गाजावाजा केला होता. पोलिसांनी केलेल्या कारवाईत मोठ्या प्रमाणावर अमली पदार्थ जप्त करण्यात आले. या प्रकरणात अनेक संशयितांना अटक झाली. मात्र या कारवाईनंतर ठिकाणाबाबत अनेक प्रश्न उपस्थित झाले. पोलिसांनी सांगितले होते की, ही कारवाई एका शेडवर झाली. परंतु शिवसेना (उद्धव बाळासाहेब ठाकरे) पक्षाच्या नेत्या सुषमा अंधारे यांनी पत्रकार परिषदेत दावा केला की, तो शेड नसून प्रत्यक्षात प्रकाश शिंदे यांचा रिसॉर्ट होता. त्यांनी म्हटले की, “तिथे शेड नव्हता, तिथे रिसॉर्ट होता. आणि तो रिसॉर्ट प्रकाश शिंदे यांचा होता.”
Ravindra Chavan : रवींद्र चव्हाण यांनी रितेश देशमुख यांची मागितली माफी
या वक्तव्यामुळे प्रकरणाला राजकीय रंग चढला. अंधारे यांनी पुढे सांगितले की, “प्रकाश शिंदे म्हणतात की त्यांनी ती जागा विकली आहे. पण थांबा, त्यांनी जे सर्व्हे नंबर १७ चे कागद दाखवले, ते दिशाभूल करणारे आहेत. कारण सदर प्रॉपर्टी ही सर्व्हे नंबर १३ मध्ये येते.” या प्रकरणात प्रशासनाने सत्य लपवण्याचा प्रयत्न केला असा आरोप करत त्यांनी जिल्ह्याचे पालकमंत्री शंभूराज देसाई यांच्यावरही तीव्र टीका केली. त्यांनी त्यांना ‘ढ’ असे संबोधले आणि विचारले की, “पालकमंत्री म्हणून जबाबदारी घेणे अपेक्षित असताना त्यांनी योग्य कारवाई का केली नाही?” अंधारे यांनी असा आरोप केला की, पालकमंत्री म्हणून शंभूराज देसाई यांनी या प्रकरणात निष्काळजीपणा केला आणि त्यामुळेच इतक्या मोठ्या प्रमाणावर ड्रग्ज साठवले गेले.
Co-operative sector : अवसायनातील ३६ संस्थांची नोंदणी रद्द होणार!
या आरोपांमुळे साताऱ्यातील राजकीय वातावरण तापले आहे. “आर्यन खान प्रकरणात १३ ग्रॅम ड्रग्जसाठी देशभर गदारोळ झाला होता, इथे तर ११५ कोटींचे ४५ किलो ड्रग्ज सापडलेत, तरीही शांतता का?” असा थेट सवाल अंधारेंनी विचारला. “रेड टाकणारे पीआय आत्मजित सावंत सध्या कुठे आहेत? आणि घटनास्थळी उपस्थित असलेला ओंकार डिगे गायब का झाला? त्याच्या जीवाला धोका तर नाही ना?” असे गंभीर आरोपही त्यांनी केले आहेत.
