dhananjay-munde-minister-post-chhagan-bhujbal-funny-reaction-maharashtra-politics : धनंजय मुंडेंच्या मंत्रिपदावर बोलताना भुजबळांची टोलेबाजी
New Delhi : राज्यातील मंत्रिमंडळ विस्ताराच्या चर्चांमध्ये धनंजय मुंडे यांना पुन्हा मंत्रिपद मिळणार का, हा प्रश्न सध्या चांगलाच रंगात आला असताना यावर छगन भुजबळ यांनी दिलेल्या मिश्कील उत्तराने पत्रकारांमध्ये एकच हशा पिकला. “मी काही अशोक खरात नाही, हात बघून उद्या काय होणार ते सांगायला,” असे म्हणत भुजबळांनी या प्रश्नावर चपखल टोलाही लगावला.
छगन भुजबळ हे दिल्ली दौऱ्यावर असून राज्यातील गॅस व इंधन पुरवठ्याच्या मुद्द्यावर केंद्रीय मंत्र्यांसोबत बैठक घेतल्यानंतर त्यांनी माध्यमांशी संवाद साधला. यावेळी राज्यातील मंत्रिमंडळ विस्ताराबाबत प्रश्न विचारण्यात आला. राष्ट्रवादी काँग्रेसमधील दोन मंत्रिपदे सध्या रिक्त असल्याने आणि काही राजकीय घडामोडींमुळे या जागांवर कोणाची वर्णी लागणार याबाबत उत्सुकता वाढली आहे.
Ashok kharat case : भोंदूबाबा अशोक खरात प्रकरणाला नवे वळण; आर्थिक गैरव्यवहार ईडीची चौकशी!
धनंजय मुंडे यांच्याकडे असलेले अन्न व नागरी पुरवठा खाते सध्या छगन भुजबळ यांच्याकडे आहे. दरम्यान, कृषी खात्यातील आरोपांमधून मुंडेंना क्लीन चिट मिळाल्यानंतर ते पुन्हा सक्रिय होत असल्याची चर्चा रंगली आहे. त्यामुळे मंत्रिमंडळ विस्तार झाला तर मुंडेंना पुन्हा संधी मिळेल का, असा थेट प्रश्न भुजबळांना विचारण्यात आला.
यावर भुजबळांनी गंभीर उत्तर देण्याऐवजी थेट विनोदी शैलीत प्रतिक्रिया दिली. “मी काही अशोक खरात नाही हात बघणारा,” असे म्हणत त्यांनी भविष्यवाणी करण्यास नकार दिला आणि वातावरण हलकंफुलकं केलं. त्यांच्या या उत्तरामुळे उपस्थित पत्रकारांमध्येही हशा पिकल्याचे पाहायला मिळाले.
दरम्यान, मंत्रिमंडळ विस्ताराचा निर्णय हा पूर्णपणे मुख्यमंत्री यांच्या अधिकारात असल्याचे सांगत भुजबळांनी याबाबत कोणतीही ठोस माहिती देण्यास टाळाटाळ केली. तसेच, पक्षातील मंत्रिपदाबाबत अंतिम निर्णय हा पक्षाच्या नेतृत्वाकडूनच घेतला जाईल, असेही त्यांनी स्पष्ट केले.
Vijaypat singhania : रेमंडला जागतिक उंचीवर नेणारे उद्योगपती विजयपत सिंघानिया यांचे निधन
अर्थमंत्रीपदाबाबत विचारलेल्या प्रश्नावरही भुजबळांनी आत्मविश्वास व्यक्त केला. अजित पवारांकडे असलेले अर्थखाते सध्या मुख्यमंत्री देवेंद्र फडणवीस यांच्याकडे असून अधिवेशन संपल्यानंतर ते पुन्हा राष्ट्रवादी काँग्रेसकडे येईल, असा दावा त्यांनी केला.
एकूणच, गंभीर राजकीय प्रश्नांवरही विनोदी शैलीत उत्तर देत छगन भुजबळांनी पत्रकार परिषद ‘लाइट मोड’मध्ये आणल्याचं चित्र पाहायला मिळालं. त्यामुळे सध्या राजकारणात काय होणार यापेक्षा “भविष्य सांगणारे कोण?” हा प्रश्न मात्र चर्चेचा विषय ठरला आहे.
