mohan-bhagwat-rss-statement-nagpur-gudi-padwa-structure-change-no-change-in-working-style : मोहन भागवतांचे मोठे विधान, रचना बदलणार पण कार्यपद्धती कायम
Nagpur : गुढी पाडव्याच्या निमित्ताने नागपुरात आयोजित कार्यक्रमात राष्ट्रीय स्वयंसेवक संघाचे सरसंघचालक मोहन भागवत यांनी संघाच्या भविष्यातील दिशेबाबत महत्त्वपूर्ण भूमिका स्पष्ट केली. संघाच्या शताब्दी वर्षाच्या पार्श्वभूमीवर संघाची कार्यपद्धती बदलणार का, याबाबत चर्चा सुरू असतानाच त्यांनी स्पष्ट शब्दांत सांगितले की संघाची मूलभूत कार्यपद्धती बदलणार नाही, मात्र वाढत्या कामाच्या स्वरूपानुसार रचनेत काही बदल केले जाणार आहेत.
आपल्या भाषणात मोहन भागवत म्हणाले की, संघाचे कार्य हे केवळ संघटन उभारण्यापुरते मर्यादित नसून समाजपरिवर्तन ही त्याची पुढची पायरी आहे. संघाने मांडलेले “पंच परिवर्तन” हे सर्वसमावेशक असून ते केवळ संघ कार्यकर्त्यांसाठीच नव्हे तर संपूर्ण समाजासाठी लागू आहे, असा अनुभव त्यांनी व्यक्त केला. समाजातील विविध घटकांनी हे परिवर्तन स्वीकारले असल्याचा दावा त्यांनी केला.
Bombay high court : प्रशासक सरपंच ‘नामधारीच’ राहणार; राज्य सरकारला उच्च न्यायालयाचा मोठा झटका
संघाच्या विस्ताराबाबत बोलताना त्यांनी सांगितले की, काम वाढल्यामुळे संघाची भौगोलिक रचना अधिक विकेंद्रित करण्याची गरज निर्माण झाली आहे. यासाठी देशभरात ८६ संभागांची रचना करण्यात येणार असून, निर्णय प्रक्रियेत खालच्या स्तराला अधिक महत्त्व दिले जाईल. नवीन उपक्रमांसाठी मात्र उच्च पातळीवर निर्णय घेतले जातील, अशी दुहेरी व्यवस्था राहील, असे त्यांनी स्पष्ट केले.
कार्यपद्धतीबाबत त्यांनी स्पष्ट भूमिका घेत सांगितले की, “मैत्री निर्माण करणे, स्वतःचे उदाहरण ठेवणे आणि सातत्याने काम वाढवत नेणे” हीच संघाची पद्धत राहणार आहे. ही पद्धत काहींना जुनी किंवा रटाळ वाटू शकते, मात्र सध्यातरी संघाच्या कार्यासाठी यापेक्षा प्रभावी पर्याय उपलब्ध नसल्याचे त्यांनी नमूद केले.
Sindkhedraja development : कमालच आहे! सिंदखेडराजा विकास आराखड्याची फाईलच गायब
प्रसारमाध्यमांबाबत बोलताना मोहन भागवत यांनी सांगितले की, माध्यमे सार्वजनिक जीवनाचा अविभाज्य भाग आहेत, मात्र संघाबाबत माहिती देण्यासाठी अधिकृत प्रचार विभागाशी संपर्क साधावा. काही वेळा विधाने वाकवून मांडली जातात, यावर त्यांनी हलक्या फुलक्या शब्दांत प्रतिक्रिया देत, “असं झालं की हसूही येतं आणि अनुभवही मिळतो,” असे म्हटले.
संघाच्या वाढीबाबत त्यांनी विशेष टिप्पणी करत सांगितले की, संघ साधनसंपत्तीवर नव्हे तर कार्यकर्त्यांच्या नातेसंबंधांवर आणि समर्पणावर वाढतो. प्रतिकूल परिस्थितीतही संघ अधिक बळकट झाल्याचे उदाहरण देताना त्यांनी स्पष्ट केले की, “जोपर्यंत दोन माणसे एकत्र येऊन विचारांची देवाणघेवाण करतात, तोपर्यंत संघाला बंद करता येणार नाही.”
fake voters : धाडमध्ये ‘बोगस मतदार’ प्रकरणाने खळबळ; भाजप-प्रहारचा बहिष्काराचा इशारा
या वक्तव्यामुळे संघाच्या भविष्यातील कार्यपद्धती आणि संघटनात्मक बदलांबाबत सुरू असलेल्या चर्चांना नवी दिशा मिळाली असून, रचना बदलली तरी मूलभूत विचार आणि कार्यशैली कायम राहणार असल्याचे स्पष्ट संकेत मिळाले आहेत.
