Necessary strengthen communication between parents children, not agitation or politics. : आंदोलन, राजकारण नव्हे, तर पालक आणि मुलांमधील संवाद घट्ट होणे गरजेचे
Bhopal : लव्ह जिहाद हा विषय देशभरात अत्यंत संवेदनशील आणि वादग्रस्त ठरला असतानाच राष्ट्रीय स्वयंसेवक संघाचे सरसंघचालक मोहन भागवत यांनी यावर स्पष्ट आणि ठोस भूमिका मांडली आहे. लव्ह जिहादसारख्या घटना रोखायच्या असतील, तर त्यासाठी केवळ आंदोलन किंवा राजकारण नव्हे, तर कुटुंबातील पालक आणि मुलांमधील संवाद अधिक घट्ट होणे गरजेचे असल्याचे भागवत यांनी सांगितले. भोपाळ येथील शिवनेरी भवन येथे आयोजित ‘स्त्री शक्ती संवाद’ कार्यक्रमात बोलताना त्यांनी या विषयावर सविस्तर भाष्य केले.
मोहन भागवत म्हणाले की, एखादी अनोळखी व्यक्ती एखाद्या मुलीला सहजपणे कसे फसवू शकते, याचा विचार समाजाने आत्मपरीक्षणातून करायला हवा. अनेक वेळा कुटुंबातील विसंवाद, पालक आणि मुलांमधील संवादाचा अभाव आणि भावनिक दुरावा यामुळेच अशा घटना घडतात. घरात नियमित संवाद नसेल, तर मुले बाहेर भावनिक आधार शोधतात आणि त्यातूनच अशा जाळ्यात अडकण्याची शक्यता वाढते, असे त्यांनी स्पष्ट केले.
Municipal election : मुख्यमंत्री देवेंद्र फडणवीस चंद्रपुरात, भाजपची विजय संकल्प रॅली
कुटुंबात पालकांनी मुलांशी नियमित संवाद साधला, त्यांच्या भावना समजून घेतल्या, तर मुलांना धर्म, संस्कृती आणि परंपरांचे योग्य संस्कार मिळतात. त्यातून आपल्या ओळखीविषयी, संस्कृतीविषयी स्वाभाविक सन्मान निर्माण होतो आणि लव्ह जिहादसारख्या घटनांवर आपोआप आळा बसतो, असा विश्वास सरसंघचालकांनी व्यक्त केला.
लव्ह जिहाद रोखण्यासाठी मोहन भागवत यांनी एक स्पष्ट त्रिसूत्रीही मांडली. कुटुंबात नियमित आणि मोकळा संवाद असणे, मुलींमध्ये सजगता आणि आत्मसुरक्षेची भावना निर्माण करणे, तसेच अशा प्रकारच्या घटनांमध्ये गुंतलेल्या व्यक्तींविरोधात कठोर कायदेशीर कारवाई करणे, या तीन बाबींवर त्यांनी विशेष भर दिला. समाजाने या त्रिसूत्रीचा गांभीर्याने अवलंब केल्यास लव्ह जिहादसारख्या घटनांवर प्रभावीपणे नियंत्रण ठेवता येईल, असे त्यांनी सांगितले.
Bmc elections : किरीट सोमय्यांच्या मुलाच्या बिनविरोध विजयाला ठाकरेंचा ब्रेक !
या लढ्यात केवळ कुटुंबच नव्हे, तर सामाजिक संघटनांचीही मोठी जबाबदारी असल्याचे भागवत यांनी स्पष्ट केले. अशा घटनांबाबत सामाजिक संघटनांनी सजग राहावे, वेळेवर हस्तक्षेप करावा आणि समाजाने एकत्र येऊन अशा प्रवृत्तींचा विरोध केला, तरच यावर समाधानकारक तोडगा निघू शकतो, असे त्यांनी नमूद केले.
यावेळी बोलताना मोहन भागवत यांनी समाजातील महिलांच्या भूमिकेवरही प्रकाश टाकला. जेव्हा समाज सभ्यतेचे गोडवे गातो, तेव्हा त्यामध्ये महिलांची भूमिका अत्यंत निर्णायक असते. धर्म, संस्कृती आणि सामाजिक व्यवस्था महिलांमुळेच सुरक्षित राहतात, असे त्यांनी ठामपणे सांगितले. पुरुष आणि महिला दोघेही मिळून समाजाला पुढे नेतात, त्यामुळे दोघांनीही सजग आणि जागरूक राहणे आवश्यक आहे, असे मत त्यांनी व्यक्त केले.
New Industrial Policy : नवीन उद्योग धोरणातून आर्थिक विकासाचे नवे इंजिन
पश्चिम देशांतील स्त्रियांची स्थिती आणि भारतीय मातृत्वकेंद्रित समाजाची तुलना करत भागवत यांनी भारतीय संस्कृतीचे महत्त्व अधोरेखित केले. भारतीय संस्कृती महिलांना केंद्रस्थानी ठेवते आणि त्यामुळेच ती अधिक उंच स्थानावर आहे, असे त्यांनी सांगितले. लव्ह जिहादविरोधात समाजाने भावनिक, सांस्कृतिक आणि कायदेशीर पातळीवर एकत्रितपणे लढा देण्याचे आवाहन करत सरसंघचालकांनी आपल्या भाषणाची सांगता केली.
___
