pratap-sarnaik-operation-tiger-thackeray-group-mps-claim-internal-rift : ठाकरे गटात अंतर्गत धुसफूस असल्याचे संकेत
Mumbai : राज्यातील ‘ऑपरेशन टायगर’च्या चर्चांनी पुन्हा जोर धरला असताना ठाण्यात कथित गुप्त बैठकीच्या वृत्तामुळे राजकारणात मोठी खळबळ उडाली आहे. उपमुख्यमंत्री आणि ठाकरे गटातील खासदारांची भेट झाल्याच्या चर्चांवर प्रतिक्रिया देताना परिवहन मंत्री यांनी ठाकरे गटात अंतर्गत असंतोष असल्याचा दावा केला आहे.
बुधवारी रात्री ठाण्यात शिंदे आणि ठाकरे गटातील काही खासदारांची गुप्त बैठक झाल्याचे वृत्त समोर आले होते. या बैठकीला ठाकरे गटातील ९ पैकी ८ खासदार उपस्थित असल्याचा दावा करण्यात आला होता. मात्र, संबंधित खासदारांनी या वृत्ताला स्पष्ट नकार दिला आहे. या पार्श्वभूमीवर प्रताप सरनाईक यांनी प्रतिक्रिया देताना, आम्हाला बैठक घ्यायची असेल तर ती उघडपणे घेतो, असे सांगत गुप्त बैठकीच्या चर्चांना दुजोरा दिला नाही, मात्र ठाकरे गटातील नाराजी अधोरेखित केली.
Buldhana Politics : पक्षप्रवेश मोहिमेने तणाव; शिंदेसेना आक्रमक, भाजपमध्ये खदखद
सरनाईक म्हणाले की, राज्यभर फिरताना ठाकरे गटातील अनेक आमदार, खासदार आणि स्थानिक नेते आपल्याशी संपर्क साधून नाराजी व्यक्त करत होते. निवडणुकांच्या काळात त्यांना अपेक्षित सहकार्य मिळाले नाही, त्यामुळे पक्षात खदखद आहे. हा असंतोष वेगवेगळ्या मार्गाने बाहेर पडत असल्याचे त्यांनी नमूद केले. तसेच, अनेकजण स्वतःहून शिंदे यांच्या नेतृत्वाखालील शिवसेनेत प्रवेश करत असल्याचा दावाही त्यांनी केला.
या प्रकरणावर बोलताना सरनाईक यांनी ठाकरे गटात अंतर्गत मतभेद असल्याचेही सूचित केले. काही खासदारांची नावे चर्चेत येत असताना एक नाव समोर न येणे, यावरून गटात आपापसात मतभेद असल्याचे दिसून येते, असे त्यांनी म्हटले. विशेषतः यांनी काही नावांचा उल्लेख केल्याचा संदर्भ देत, एका विशिष्ट खासदाराचे नाव न आल्यामुळे अंतर्गत संघर्ष स्पष्ट होत असल्याचा दावा त्यांनी केला.
Uddhav Thackeray Shivsena : ठाकरेंची सेना लागली कामाला, गावपातळीवर ‘फिल्डींग’!
‘ऑपरेशन टायगर’बाबत बोलताना सरनाईक यांनी हे अभियान केवळ खासदारांपुरते मर्यादित नसून, सर्वसामान्य शिवसैनिकांपर्यंत पोहोचणारे असल्याचे सांगितले. अन्याय झालेल्या आणि बाळासाहेब ठाकरे यांच्या विचारांवर विश्वास ठेवणाऱ्या प्रत्येक कार्यकर्त्याला या अभियानाचा भाग मानले जाते, असे त्यांनी स्पष्ट केले.
दरम्यान, भाजपच्या हस्तक्षेपाबाबत सुरू असलेल्या चर्चांवरही त्यांनी प्रतिक्रिया दिली. भारतीय जनता पक्ष आमच्या अंतर्गत निर्णयांमध्ये हस्तक्षेप करत नाही आणि पक्षाचे सर्व निर्णय स्वतः घेतात, असे त्यांनी सांगितले.
Property tax hike : करवाढीच्या सुनावणीत ‘थकबाकी’चा बॉम्ब; मलकापूर न.प.समोर आर्थिक संकट
याच पार्श्वभूमीवर केंद्रीय मंत्री यांनीही मोठा दावा करत ठाकरे गटातील आमदार आणि खासदार अस्वस्थ असल्याचे म्हटले आहे. योग्य वेळ आल्यावर हे सर्वजण शिंदे गटात येतील, असा विश्वास त्यांनी व्यक्त केला. तसेच, यांना मिळालेल्या संधीवरून काहींमध्ये नाराजी असल्याचा दावाही त्यांनी केला.
एकूणच, ‘ऑपरेशन टायगर’च्या चर्चेमुळे राज्यातील राजकीय वातावरण तापले असून, आरोप-प्रत्यारोपांच्या पार्श्वभूमीवर ठाकरे आणि शिंदे गटातील संघर्ष अधिक तीव्र होत असल्याचे दिसत आहे. पुढील काळात या घडामोडींना कोणते वळण मिळते, याकडे सर्वांचे लक्ष लागले आहे.
___
