The issue of inequality back in focus due to Congress’ social media post : राहूल बोंद्रे आणि भिलसिंग सोलंकी एकाच फ्रेममध्ये; राजकीय वर्तुळात चर्चांना उधाण
Khamgao काँग्रेस प्रदेशाध्यक्ष हर्षवर्धन सपकाळ यांच्या एका सोशल मीडिया पोस्टमुळे राज्याच्या राजकारणात पुन्हा एकदा “राजा आणि रंक” या दोन टोकांच्या मैत्रीची चर्चा रंगली आहे. या पोस्टमध्ये राहूल बोंद्रे आणि सातपुड्यातील गोमाळ येथील भिलसिंग सोलंकी यांना एकाच फ्रेममध्ये दाखविण्यात आल्याने विविध राजकीय अर्थ काढले जात आहेत.
काही जण या पोस्टकडे सामाजिक संवेदनशीलतेचे प्रतीक म्हणून पाहत आहेत. समाजातील उपेक्षित घटकांशी राजकीय नेतृत्वाने ठेवलेला संवाद आणि जवळीक दाखविण्याचा हा प्रयत्न असल्याचे समर्थकांचे म्हणणे आहे. मात्र दुसरीकडे, ही पोस्ट व्यवस्थेतील खोल विषमतेवरचे अप्रत्यक्ष भाष्य असल्याची चर्चा देखील रंगली आहे.
Honey Trap : शेतकऱ्याला ‘हनी ट्रॅप’मध्ये अडकवून ७० लाखांची खंडणी; अमरावतीतील दांपत्याविरुद्ध गुन्हा
“राजा आणि रंक एकाच फ्रेममध्ये” हे दृश्य अनेकांना विचार करायला भाग पाडत आहे. एका बाजूला सत्तेची ताकद, आर्थिक संपन्नता आणि राजकीय वारसा, तर दुसऱ्या बाजूला संघर्षमय जीवन, उपेक्षा आणि मूलभूत हक्कांसाठीची झुंज — या दोन टोकांना एकत्र उभे केल्याने समाजातील वास्तव अधिक ठळकपणे समोर आल्याची भावना व्यक्त होत आहे.
Ladki Bahin Scheme : ई-केवायसीतील त्रुटींमुळे ‘लाडकी बहीण’ योजनेचा लाभ बंद, बहिणी अस्वस्थ!
अशा प्रकारच्या पोस्टमधून भावनिक संदेश देण्याचा प्रयत्न केला जातो; मात्र त्यातून व्यवस्थेतील दरी खरोखर कमी होते का, हा खरा प्रश्न आहे. काही विरोधकांनी तर “भावनिक फ्रेम तयार करून वास्तव झाकण्याचा प्रयत्न” अशी टीकाही सुरू केली आहे.दरम्यान, या पोस्टमुळे सामाजिक असमानता, राजकीय प्रतिमा आणि जनसंपर्काच्या नव्या पद्धती यांवर पुन्हा चर्चा सुरू झाली आहे. “ही मैत्री खरोखर दोन टोकांना जोडणारी मानवी नाळ आहे, की व्यवस्थेतील खोल दरीवर प्रतीकात्मक पडदा टाकण्याचा प्रयत्न?” असा सवालही आता राजकीय आणि सामाजिक वर्तुळातून उपस्थित केला जात आहे.
