Parth Pawar’s company’s transactions are increasingly suspicious : नियमभंगांची मालिका; समितीचे तेजवानींना २४ नोव्हेंबरला अनिवार्य हजेरीचे आदेश
Pune : मुंढवा येथील बहुमूल्य सरकारी जमिनीच्या संशयास्पद व्यवहारात राजकीय वादंग अधिक तीव्र झाला आहे. अजित पवार यांचा मुलगा पार्थ पवार यांच्या Amedia कंपनीला दिलेल्या जमिनीच्या विक्री प्रकरणाच्या सुनावणीसाठी गठित विकास खारगे समितीसमोर महत्त्वाची साक्ष देणारे सरकारी अधिकारी शीतल तेजवानी यांनी पुन्हा एकदा अनुपस्थित राहून खळबळ उडवली आहे.
समितीतील सूत्रांनी सांगितले की, तेजवानींच्या अनुपस्थितीमुळे तपास प्रक्रियेत विलंब झाला असला तरी समितीने त्यांना अंतिम संधी देत २४ नोव्हेंबरला स्वतः उपस्थित राहण्याचे आदेश दिले आहेत. याच बैठकीत महत्त्वपूर्ण तथ्ये समोर येण्याची शक्यता आहे. याउलट, या सुनावणीत दिग्विजयसिंह पाटील मात्र हजर राहिल्याचे सूत्रांचे म्हणणे आहे, ज्यामुळे प्रकरणातील काही कागदपत्रीय व प्रशासकीय बाजू समितीसमोर मांडल्या गेल्या आहेत.
Local body election : पत्नीला पेट्रोल टाकून जाळण्याचा प्रयत्न करणारा नेता कोठडीतूनच निवडणुकीत !
४० एकर सरकारी जमिनीची किंमत फक्त ३०० कोटी?
या प्रकरणातील सर्वात धक्कादायक मुद्दा म्हणजे बॉटनिकल सर्व्हे ऑफ इंडियाच्या (BSI) मालकीची व ताब्यातील सुमारे ४० एकर प्राइम जमीन केवळ ३०० कोटींना अमेडिया कंपनीला विकण्यात आली, असा आरोप आहे. पुण्यातील मुंढव्यासारख्या महागड्या परिसरातील अशा जमिनीची वास्तविक बाजारभावात किंमत तब्बल हजारों कोटींमध्ये असू शकते, असे भूखंडतज्ज्ञांचे मत आहे. त्यामुळे इतक्या कमी मूल्यांकनावर झालेला हा व्यवहार स्वतःच संशयास्पद ठरत असून त्यावर अधिकृत स्तरावर गंभीर प्रश्नचिन्ह निर्माण झाले आहे.
Nitish Kumar : नितीश कुमार यांनी रचला नवा विक्रम; मोदींनी केले अभिनंदन !
नियमभंगांची मालिका; प्रक्रियेतील तोडमोड उघड..
जमिनीचा हस्तांतरण व्यवहार करताना महसूल, पर्यावरण, केंद्रीय संस्था नियमावली, जमीन हस्तांतरण प्रक्रिया, या सर्वच स्तरांवर नियमांची जाणीवपूर्वक तोडमरोड झाल्याचे समोर आले आहे. तसेच, जमीन हस्तांतरणाच्या फाइल्समध्ये तत्काळ मोडचा अवलंब आणि काही कागदपत्रांची अपूर्णता, हेही या घोटाळ्याचे महत्त्वाचे पैलू आहेत.
तेजवानींची गैरहजेरी संशय वाढवणारी..
समितीसमोर जबाब देण्यास महत्त्वाची भूमिका असलेल्या शीतल तेजवानी यांनी आधीही एकाधिक वेळा हजेरी टाळल्याचा आरोप आहे. त्यांची सातत्याने होत असलेली अनुपस्थिती ही राजकीय दबाव, प्रशासनातील दबाव किंवा प्रकरणात दडवण्यासारखी गंभीर माहिती असावी का, असे अनेक प्रश्न आता समोर येत आहेत.
Thombre vs Khandalkar : रुपाली ठोंबरेंची माधवी खंडाळकरांना अब्रुनुकसानीची नोटीस
खारगे समितीच्या पुढील सुनावणीत या प्रकरणातील खरे तथ्य बाहेर येण्याची अपेक्षा आहे.
पार्थ पवार यांच्या अमेडिया कंपनीसंबंधीचा हा जमीन व्यवहार महाराष्ट्रातील सर्वात मोठ्या संशयास्पद सौद्यांपैकी एक म्हणून बघितला जात असून राज्याच्या राजकारणात या प्रकरणामुळे मोठी खळबळ उडाली आहे.
