Sharad Pawar NCP may join NDA : सुप्रिया सुळे यांनी अमित शहांची भेट घेतल्यावर चर्चांना उधाण
New delhi महाराष्ट्राच्या राजकारणात सध्या पुन्हा एकदा मोठी राजकीय खळबळ उडाली आहे. ज्येष्ठ नेते शरद पवार यांच्या नेतृत्वाखालील राष्ट्रवादी काँग्रेस पक्ष एनडीए मध्ये सामील होणार असल्याच्या चर्चांना दिल्लीतील घडामोडींमुळे तीव्र उधाण आले आहे. खासदार सुप्रिया सुळे आणि केंद्रीय गृहमंत्री अमित शाह यांच्यातील अलीकडील भेटीमुळे या चर्चांना अधिकच बळ मिळाले आहे.
हे शक्य झाले तर दोन्ही राष्ट्रवादी काँग्रेस पक्ष भविष्यात एकत्र येतील, अशी जोरदार चर्चा राजकीय वर्तुळात रंगली आहे. या सर्व घडामोडींमुळे आगामी काळात महाराष्ट्राच्या राजकारणात मोठी उलथापालथ होण्याची दाट शक्यता वर्तवली जात असून, यावर आता संपूर्ण राजकीय विश्लेषकांचे आणि सामान्य नागरिकांचे लक्ष लागले आहे.
Teachers recruitment : बुलढाणा जिल्ह्यातील ८ महाविद्यालयांना प्रवेशबंदी; शिक्षक भरती न केल्याचा फटका
काही दिवसांपूर्वी दिल्लीतील विद्यार्थी आंदोलनादरम्यान शरद पवार यांनी पंतप्रधान नरेंद्र मोदी यांची भेट घेतली होती. या भेटीत सुप्रिया सुळे या सुद्धा त्यांच्यासोबत उपस्थित होत्या. त्यावेळी पवार यांनी ही भेट केवळ विद्यार्थी आंदोलनातील प्रश्नांसंदर्भात असल्याचे स्पष्ट करत राजकीय चर्चांचे वृत्त फेटाळून लावले होते. मात्र, त्या घटनेला अवघा एक आठवडा लोटत नाही तोच, खासदार सुप्रिया सुळे यांनी पुन्हा एकदा केंद्रीय गृहमंत्री अमित शाह यांची भेट घेतल्याने राजकीय वर्तुळात अनेक तर्कवितर्क लढवले जात आहेत.
