Indian Money in Swiss Banks : स्विस नॅशनल बँकेच्या ताज्या आकडेवारीने सगळ्यांचं धक्का !
Mumbai: स्विस बँकांमध्ये भारतीयांनी जमा केलेल्या पैशात विक्रमी वाढ झाली आहे. स्विस नॅशनल बँकेच्या ताज्या आकडेवारीनुसार, ही रक्कम 3.5 अब्ज स्विस फ्रँकपर्यंत पोहोचली आहे, जी गेल्या वर्षीच्या तुलनेत तिप्पट आहे. ही वाढ प्रामुख्याने स्विस बँकांच्या स्थानिक शाखांमध्ये आणि इतर वित्तीय संस्थांमध्ये ठेवलेल्या रकमेत दिसून आल्याचे समोर येत असून एवढा मोठा आकडा पाहून सर्वांनाच धक्का बसत आहे.
2024 मध्ये स्विस बँकांमध्ये भारतीयांनी जमा केलेल्या पैशात विक्रमी वाढ झाली आहे. स्विस नॅशनल बँकेच्या ताज्या आकडेवारीनुसार, ही रक्कम 3.5 अब्ज स्विस फ्रँकपर्यंत पोहोचली आहे, जी गेल्या वर्षीच्या तुलनेत तिप्पट आहे. भारतीयांच्या वैयक्तिक खात्यांमध्ये जमा झालेल्या पैशात केवळ 11% वाढ झाली आहे आणि ती 34.6 कोटी स्विस फ्रँक म्हणजे सुमारे 3.675 कोटी रुपये झाली आहे, जी एकूण रकमेच्या केवळ 10% आहे.
Bharat Gogawale : तसं असतं तर आत्तापर्यंत पालकमंत्री पद मिळवलं असतं
2023 मध्ये, स्विस बँकांमध्ये भारतीय खातेदारांच्या ठेवींमध्ये 70% घट झाली आणि ती 1.04अब्ज स्विस फ्रँकवर आली. पण 2024 मध्ये, हा आकडा 2021 नंतरच्या सर्वोच्च पातळीला गेला आहे. 2021 मध्ये, ही रक्कम 3.83 अब्ज स्विस फ्रँक होती, जी 14 वर्षांतील सर्वोच्च पातळी होती. स्विस अधिकाऱ्यांनी वारंवार स्पष्ट केले आहे की हे आकडे थेट काळा पैसा दर्शवत नाहीत. या आकड्यांमध्ये स्विस बँकांमधील भारतीय ग्राहकांच्या सर्व प्रकारच्या निधीचा समावेश आहे. जसे की व्यक्ती, कंपन्या, बँका, ट्रस्ट आणि गुंतवणूक उत्पादने. याशिवाय, यामध्ये कोणत्याही तिसऱ्या देशाच्या कंपन्यांच्या नावावर असलेल्या खात्यांचा समावेश नाही, ज्यांचा भारतीयांशी काही अप्रत्यक्ष संबंध असू शकतो.
ग्राहकांच्या ठेवी – ₹3,975 कोटी, इतर बँकांमधून ठेवी – ₹32,000 कोटी, ट्रस्टद्वारे ठेवलेली रक्कम – ₹450 कोटी
बॉन्ड्स आणि इतर गुंतवणूक उत्पादनांमध्ये – ₹1,450कोटी हे भारतीय निधीचे विभाजन आहे. बँक फॉर इंटरनॅशनल सेटलमेंट्स (BIS) च्या आकडेवारीनुसार, 2024 मध्ये स्विस बँकांमध्ये भारतीय बिगर-बँक ग्राहकांनी ठेवलेली रक्कम 650 कोटी रुपये होती, जी 2023च्या तुलनेत 6% जास्त आहे. पूर्वी हे आकडे अधिक विश्वासार्ह मानले जात होते.
Annoying incident : डिजिटल युगात हे काय चाललंय, आदिवासी पारधी समाजावर बहिष्कार !
भारत आणि स्वित्झर्लंडमधील स्वयंचलित कर डेटा एक्सचेंज 2018 मध्ये सुरू झाले. या अंतर्गत, दरवर्षी भारतीयांच्या स्विस खात्यांबद्दलची माहिती भारतीय कर अधिकाऱ्यांना दिली जाते. आतापर्यंत शेकडो प्रकरणांमध्ये माहितीची देवाणघेवाण झाली आहे. स्विस बँकांमध्ये परदेशी ग्राहकांच्या ठेवींच्या बाबतीत भारताचा 2024 मध्ये 48 व्या स्थानावर पोहोचला आहे, जो 2023 मध्ये 67व्या स्थानावर होता. 2022 मध्ये भारत 46 व्या स्थानावर होता. सर्वाधिक परदेशी निधी जमा करणाऱ्या देशांमध्ये ब्रिटन, अमेरिका आणि वेस्ट इंडिज अजूनही पहिल्या 3 स्थानांवर आहेत.
