Reservation Forces Political Heavyweights to Switch Factions : बहुतांश गट झाले राखीव; माजी अध्यक्ष, उपाध्यक्ष, सभापतींची संधी हुकली
Amravati जिल्ह्याचे ‘मिनी मंत्रालय’ म्हणून ओळखल्या जाणाऱ्या जिल्हा परिषदेच्या ५९ गटांसाठी सोमवारी झालेल्या आरक्षण सोडतीमुळे अनेक दिग्गज नेत्यांना धक्का बसला आहे. गेल्या दोन ते तीन पंचवार्षिकेत प्रभावी कामगिरी करणारे माजी अध्यक्ष, उपाध्यक्ष, विषय समिती सभापती तसेच काही माजी सदस्य आपल्या गटांतील आरक्षण सोयीचे निघाले नसल्याने आगामी निवडणुकीतून बाहेर पडले आहेत.
अनेक गट राखीव झाल्याने काहींना निवडणुकीत उभे राहण्याचा पर्याय उरलेला नाही. परिणामी काही माजी सदस्य आपल्या अर्धांगिनींना उमेदवारी देण्याचा विचार करत आहेत.
मागील साडेतीन वर्षांपासून जिल्हा परिषद निवडणुका न झाल्याने ‘मिनी मंत्रालयात’ प्रतिनिधित्व करणारे अनेक पदाधिकारी राजकीयदृष्ट्या निष्क्रिय होते. आता निवडणुकीची तयारी सुरू झाल्याने १३ ऑक्टोबर रोजी ५९ गटांसाठी आरक्षण सोडत काढण्यात आली. यात अनुसूचित जातींसाठी ११, अनुसूचित जमातींसाठी १२ आणि नामांतरप्रकारासाठी १६ असे एकूण ३९ गट आरक्षित झाले आहेत. यापैकी ३० जागांवर महिला उमेदवार निवडून येणार असून, उर्वरित २० गट सर्वसाधारण वर्गासाठी राखीव आहेत.
Farmers Affected by Excess Rainfall : चार लाख शेतकऱ्यांची दिवाळी हाेणार गाेड!
लोकसंख्येच्या प्रमाणावर आधारित आरक्षण सोडतीमुळे अनेक दिग्गजांचे गट राखीव झाले. परिणामी माजी अध्यक्ष बबलू देशमुख, सुरेखा ठाकरे, सदस्य रवींद्र मुंदे, विक्रम ठाकरे यांना नवीन गटांचा शोध घ्यावा लागणार आहे.
आरक्षण सोडतीत अनेक अनुभवी सदस्यांना धक्का बसला. माजी अध्यक्षांचा चांदूर बाजार येथील घाटलाडकी गटाचे नाव बदलल्याने त्यांना नव्या गटात जावे लागणार आहे. रवींद्र मुंदे यांचा लोणी गट अनुसूचित जातींसाठी राखीव झाल्याने त्यांना पर्याय शोधावा लागणार आहे. रिद्धपूरमधील माजी सभापती व भाजप नेते तात्या मेश्राम, तसेच माजी सभापती रामदास निस्ताने (मंगरूळ दस्तगीर) यांना अनुक्रमे अनुसूचित आणि महिला आरक्षणाचा फटका बसला आहे.
