Rohit-pawar-meets-rahul-gandhi : अजित पवार विमान अपघातावर संसदेतील चर्चेची मागणी
Mumbai दिवंगत उपमुख्यमंत्री अजित पवार यांच्या विमान अपघात प्रकरणावर देशाच्या राजकारणात हालचाली वाढताना दिसत आहेत. या पार्श्वभूमीवर राष्ट्रवादी काँग्रेस (शरद पवार गट)चे आमदार रोहित पवार यांनी दिल्लीत काँग्रेस नेते राहुल गांधी यांची भेट घेतली. या भेटीत अजित पवार यांच्या संशयास्पद विमान अपघातावर संसदेत चर्चा व्हावी आणि या प्रकरणाची सीबीआयमार्फत चौकशी व्हावी, अशी मागणी त्यांनी केली.
मिळालेल्या माहितीनुसार, २८ जानेवारी रोजी बारामतीजवळ झालेल्या विमान अपघातात अजित पवार यांचे निधन झाले होते. या दुर्घटनेत इतर काही जणांचाही मृत्यू झाला होता. या घटनेनंतर सुरुवातीपासूनच या अपघाताबाबत विविध शंका उपस्थित केल्या जात असून सखोल आणि निष्पक्ष चौकशीची मागणी केली जात आहे.
Ajit Pawar NCP : जिल्हाध्यक्षांना जाग आली, अचानक ५१ लोकांची कार्यकारीणीच जाहीर केली!
याच पार्श्वभूमीवर रोहित पवार सध्या दिल्ली दौऱ्यावर असून ते विविध विरोधी पक्षांच्या नेत्यांची भेट घेत आहेत. त्यांनी राहुल गांधींसोबत झालेल्या चर्चेत या अपघातासंदर्भातील उपलब्ध माहिती आणि शंका त्यांच्यासमोर मांडल्या. तसेच संसदेत या विषयावर सविस्तर चर्चा घडवून आणण्याची विनंतीही केली. रोहित पवार यांनी यापूर्वीही या अपघातावर प्रश्न उपस्थित करत अनेक वेळा पत्रकार परिषद घेतली आहे. त्यांच्या मते हा अपघात केवळ दुर्घटना नसून त्यामागे काही संशयास्पद बाबी असू शकतात. त्यामुळे या प्रकरणाची चौकशी स्वतंत्र केंद्रीय यंत्रणेमार्फत व्हावी, अशी त्यांची मागणी आहे.
Sudhir Mungantiwar : महिलांच्या सक्षमीकरणासाठी फक्त शब्द नव्हे, ठोस धोरणे आवश्यक!
दिल्ली दौऱ्यादरम्यान रोहित पवार यांनी राहुल गांधींसोबतच काँग्रेसचे वरिष्ठ नेते मल्लिकार्जुन खरगे, सोनिया गांधी तसेच इतर काही प्रमुख नेत्यांचीही भेट घेतल्याची माहिती समोर आली आहे. या नेत्यांना अपघाताशी संबंधित माहिती देत या प्रकरणात न्याय मिळावा यासाठी सहकार्य करण्याचे आवाहन त्यांनी केले. यापूर्वी रोहित पवार यांनी आम आदमी पक्षाचे नेते अरविंद केजरीवाल आणि इतर विरोधी पक्षांच्या नेत्यांनाही भेटून हा मुद्दा संसदेत उपस्थित करण्याची विनंती केली होती. या अपघाताबाबत अद्यापही अनेक प्रश्न अनुत्तरित असल्याचा दावा त्यांनी केला आहे.
High court : सरपंचांना प्रशासक नेमले, न्यायालयाची सरकारला नोटीस!
दरम्यान, या अपघाताची चौकशी सध्या विविध यंत्रणांकडून सुरू आहे. विमानाच्या तांत्रिक बाबी, उड्डाणाची माहिती तसेच संबंधित कंपनीची कार्यपद्धती याचा तपास करण्यात येत असल्याचे सांगितले जात आहे. काही अधिकाऱ्यांची चौकशीही करण्यात आली असून तपासाचा अहवाल येण्याची प्रतीक्षा आहे. या प्रकरणामुळे महाराष्ट्राच्या राजकारणातही मोठी चर्चा सुरू झाली आहे. अजित पवार हे राज्यातील प्रभावी नेते मानले जात होते. त्यांच्या अचानक झालेल्या निधनामुळे राजकीय पटलावर मोठी पोकळी निर्माण झाली आहे.
दरम्यान, संसदेत हा मुद्दा उपस्थित होतो का आणि या प्रकरणात सीबीआय चौकशीबाबत केंद्र सरकार काय निर्णय घेते, याकडे राज्यासह देशभरातील राजकीय वर्तुळाचे लक्ष लागले आहे.
