A truck hit a bike, two died in the accident : विचित्र अपघातात दोघे ठार; पोलिसांना उशीर झाल्याने तणाव
Nagpur ‘हिट अँड रन’ Hit and Run अपघातात दोघांचा मृत्यू झाला. एका भरधाव ट्रकने दुचाकीला धडक दिल्याने दोघांना प्राण गमवावे लागले. त्याच्या काही तासांपूर्वीच भरधाव कारने दुचाकीला धडक दिल्यामुळे एका नऊ महिन्यांच्या बाळाचा मृत्यू झाला होता. त्यानंतर या घटनेमुळे भरधाव वाहने चालविणाऱ्यांवर पोलिसांचा धाक राहिलेला नाही, असे बोलले जात आहे.
दुचाकीने डबलसीट जात असताना भरधाव ट्रकने वळण घेत दुचाकीला जबर धडक दिली. या धडकेत दोघांचाही मृत्यू झाला. एकाच्या अंगावरुन ट्रकचे चाक गेल्यामुळे त्याचा रस्त्यावरच चेंदामेंदा झाला. तर दुसऱ्याचा रुग्णालयात उपचार सुरु असताना मृत्यू झाला. हा विचित्र अपघात सोमवारी रात्रीच्या सुमारास घडला. रमेश कारुलालजी कटरे (४७,काचीमेट, वाडी) आणि धनराज कालीचरण दरवरकर (३०, रा. छुटका,जि. शिवनी-मध्यप्रदेश) अशी अपघातात ठार झालेल्यांची नावे आहेत.
Accident in Nagpur : आईने छातीशी कवटाळले, पण बाळाचा मृत्यू झाला होता !
वाडी पोलीस नेहमीप्रमाणेच वेळेवर पोहचले नाही. त्यामुळे या अपघातानंतर घटनास्थळावर तणाव निर्माण झाला होता. रमेश कटरे बांधकाम व्यवसायिक होते. ते सोमवारी रात्री दुचाकीने काही कामानिमित्त वडधामन्यातील कास्टींग कंपनीत गेले होते. काम संपल्यानंतर ते घराकडे निघाले. दरम्यान, कंपनीतील कामगार धनराज दरवरकर याने दुचाकीने घरापर्यंत सोडून देण्याची विनंती केली.
बरीच रात्र झाल्यामुळे रमेश यांनी रस्ता मोकळा बघून दुचाकी पळवली. वाडी पोलीस ठाण्याच्या हद्दीत आठवा मैल चौक ते नवनीतनगर टर्निंग पॉईंटवर रमेश यांनी दुचाकीची गती कमी केली. मात्र, यादरम्यान मागून भरधाव आलेल्या ट्रकने रमेश यांच्या दुचाकीला धडक दिली. या धडकेत दुचाकीचालक रमेश आणि धनराज हे दोघेही रस्त्यावर फेकले गेले. मात्र, यादरम्यान ट्रक अनियंत्रित झाला. भरधाव ट्रकचे चाक रमेश यांच्या अंगावरुन गेले. त्यामुळे रमेश यांचा रस्त्यावरच चेंदामेंदा होऊन मृत्यू झाला.
Centenary year of RSS : संघाच्या शताब्दी वर्षाचे प्लानिंग कर्नाटकमध्ये!
तर दुभाजकाजवळ फेकले गेलेले धनराज यांच्या डोक्याला आणि छातीला जबर मार लागला. अपघात झाल्यानंतर जवळपास अर्धातास अपघातग्रस्तांना मदत मिळाली नाही. त्यामुळे धनराज रक्ताच्या थारोळ्यात पडून होता. शेवटी एका दुचाकीचालकाला हा अपघात दिसला. त्याने वाडी पोलिसांना फोन करुन माहिती दिली. पोलीस उपनिरीक्षक काळींगे हे वाडी पोलिसांचे पथकासह पोहचले. त्यांनी रुग्णवाहिका बोलावून जखमीला मेयो रुग्णालयात दाखल केले.
या प्रकरणी वाडी पोलिसांनी मनिष दिनेश शरणागत (दाभा) यांच्या तक्रारीवरुन ट्रकचालक सुनील उदयसींह कुंभरे (४०, मनसर, ता. रामटेक) याच्याविरुद्ध गुन्हा दाखल केला. त्याला अटक करुन न्यायालयात दाखल केले. अपघात झाल्यानंतर पोलीस उपनिरीक्षक काळींगे यांनी घटनास्थळावर पोहचण्यासाठी बराच उशीर केला. त्यामुळे गंभीर जखमी धनराज यांना उपचार मिळण्यास बराच उशिर झाल्याने त्यांचा मृत्यू झाला, अशी चर्चा आहे
