There is Shiv Sena in the every village and there is Shiv Sainik in the every house : नव्याने प्रवेश घेतलेल्या पदाधिकाऱ्यांना एकनाथ शिंदेंनी दिला कानमंत्र
Mumbai : सोलापूर जिल्ह्यातील उबाठा गटाचे माजी आमदार उत्तमराव खंदारे आणि रविकांत पाटील, तसेच माजी जिल्हाप्रमुख अमर पाटील तसेच वाशीम जिल्हा वंचित बहुजन आघाडीचे जिल्हाध्यक्ष अनिल गिरकर यांनी उपमुख्यमंत्री एकनाथ शिंदे यांच्या उपस्थितीत शिवसेनेमध्ये पक्षप्रवेश केला.
वाशीम जिल्ह्यातील सरपंच संघटनेचे अध्यक्ष संदीप ठाकूर आणि माजी पोलीस उपअधीक्षक रायते यांनीही भगवा झेंडा हाती घेत शिवसेनेमध्ये प्रवेश केला.
तसेच वाशीम जिल्ह्यातील 53 सरपंच, 23 उपसरपंच आणि 63 ग्रामपंचायत सदस्यांनीही शिवसेनेमध्ये प्रवेश केला. शिंदे यांनी या सर्वांचे पक्षात स्वागत करून त्यांना भावी वाटचालीसाठी शुभेच्छा दिल्या.
Pravin Darekar : अनिल परब यांची छत्रपतींच्या नखाशीसुद्धा तुलना होऊ शकत नाही!
पुण्यश्लोक अहिल्यानगर जिल्ह्यातील श्रीराम महासंघाचे राष्ट्रीय अध्यक्ष सागर बेग, श्रीराम महासंघाचे अध्यक्ष आकाश बेग, उबाठा गटाचे नेवासा नगरपंचायतीतील माजी नगरसेवक सचिन वडागळे, राष्ट्रवादी काँग्रेसचे युवा जिल्हा सरचिटणीस मनोज भिसे आणि अहिल्यानगर मधील नगरसेवक, पदाधिकारी आणि युवा अधिकाऱ्यांनाही यावेळी प्रवेश घेतला.
यावेळी बोलताना, गेली अडीच वर्षे महायुती सरकारने केलेल्या कामांच्या बळावर आणि लोककल्याणकारी योजनांमुळे विधानसभा निवडणुकीत जनतेने आपल्याला भरभरून मतदान केले. त्यामुळेच आता शिवसेनेमध्ये प्रवेश करणाऱ्यांची संख्या दिवसेंदिवस वाढत चालली आहे. त्यामुळे आता आपली जबाबदारी वाढली आहे.
‘गाव तिथे शिवसेना आणि घर तिथे शिवसैनिक’ ही संकल्पना प्रत्यक्षात उतरवण्यासाठी कामाला लागावे, असे आवाहन शिंदे यांनी केले. पक्षाने सुरू केलेल्या सदस्य नोंदणी अभियानाची प्रभावीपणे अंमलबजावणी करावी, असेही त्यांनी सांगितले. शिवसेनेवर विश्वास ठेवून तुम्ही सर्वजण या पक्षात आलेले आहात, तुमच्या गावाचे प्रश्न सोडवण्यासाठी मी सदैव तुमच्या पाठीशी खंबीरपणे उभा आहे. तुमचे प्रश्न नक्की सोडवेन, अशी ग्वाही शिंदे यांनी दिली.
आमदार भावना गवळी, शिवसेना उत्तर महाराष्ट्र सचिव भाऊसाहेब चौधरी, शिवसेना सचिव सुशांत शेलार, शिवसेना प्रवक्त्या प्रा. ज्योती वाघमारे, सोलापूरचे जिल्हाप्रमुख मनीष काळजे, नाशीक जिल्हा संघटक योगेश म्हस्के आणि इतर सर्व प्रमुख पदाधिकारी यावेळी आवर्जून उपस्थित होते.
