12,496 sarpanch posts will be reserved for women : राज्यातील २४,९२४ सरपंचपदांचे नव्याने आरक्षण निश्चित
Akola राज्यातील सरपंचपदांचे नव्याने आरक्षण निश्चित करण्यात आले आहे. एकूण २४ हजार ९२४ सरपंचपदांपैकी १२ हजार ४९६ पदे महिलांसाठी आरक्षित असणार आहेत. राज्य शासनाच्या ग्रामविकास विभागाने १३ जून रोजी ही अधिसूचना प्रसिद्ध केली आहे.
गेल्या ५ मार्च २०२५ रोजी राज्य शासनाने सरपंचपदांचे आरक्षण जाहीर केले होते. मात्र सर्वोच्च न्यायालयाने ६ मे रोजी दिलेल्या आदेशास अनुसरून ही अधिसूचना अधिक्रमित करून राज्य शासनाने सरपंचपदांचे आरक्षण नव्याने निश्चित केले आहे. ही व्यवस्था पुढील पाच वर्षांसाठी असणार आहे.
Republican Party of India : रिपब्लिकन पक्षाला सामाजिक संघटनांचा आधार!
या आदेशानुसार राज्यातील ३४ जिल्ह्यांतील एकूण २४ हजार ९२४ सरपंचपदांचे प्रवर्गनिहाय वाटप केले गेलेल्या असून त्यापैकी निम्मे म्हणजे १२ हजार ४९६ सरपंचपदे महिलांसाठी राखीव असतील.
प्रवर्गनिहाय सरपंचपदांचे आरक्षण
अनुसूचित जाती: एकूण ३,२६३ सरपंचपदांपैकी १,६३९ महिलांसाठी राखीव असतील.
अनुसूचित जमाती: एकूण १,८६६ सरपंचपदांपैकी ९४३ महिलांसाठी असतील.
नागरिकांचा मागास प्रवर्ग: एकूण ६,७२९ सरपंचपदांपैकी ३,३७३ महिलांसाठी असतील.
सर्वसाधारण प्रवर्ग: एकूण १३,०६७ सरपंचपदांपैकी ६,५४१ महिलांसाठी असतील.
Chandrashekhar Bawankule : बावनकुळेंचे निर्देश; आवास योजनेतील अडचणी दूर करा!
ग्रामविकास विभागाने जिल्हाधिकारीांना आदेश दिले असून १५ जुलैपर्यंत जिल्हास्तरावर ग्रामपंचायतनिहाय सरपंचपदांचे आरक्षण निश्चित करण्याची कार्यवाही पूर्ण करावी, असं १६ जून रोजी पाठवलेल्या पत्राद्वारे सूचित केले गेलेल्या आहे. या आदेशामुळे राज्यभरातील ग्रामपंचायतींतील सरपंचपदांचे आरक्षण अधिक पारदर्शक व लोकशाही मार्गाने केले जाणार असून महिलांना अधिक प्रतिनिधित्व मिळण्याचा मार्ग मोकळा झाला आहे.
