Navneet Rana targets Uddhav Thackeray over the Disha Salian case : दिशा सालियान प्रकरणावरून नवनीत राणांचा उद्धव ठाकरेंवर निशाणा; ‘दाल में बहुत कुछ काला है’ वक्तव्याची चर्चा
Amravati राजकारणात एखादी फाइल बंद झाली की, त्यासोबत चर्चाही संपल्याचे मानले जाते. मात्र, तीच फाइल पुन्हा तपासाच्या टेबलावर आली की जुन्या आरोपांना आणि राजकीय दाव्यांना पुन्हा धुमारे फुटतात. दिशा सालियान मृत्यू प्रकरणाच्या पार्श्वभूमीवर सध्या असेच चित्र निर्माण झाले आहे. माजी खासदार नवनीत राणा यांनी या प्रकरणावरून तत्कालीन मुख्यमंत्री उद्धव ठाकरे यांच्यावर गंभीर आरोप केले असून, त्यांच्या ‘दाल में बहुत कुछ काला है’ या वक्तव्याची राजकीय वर्तुळात चर्चा रंगली आहे.
नवनीत राणा यांनी उद्धव ठाकरे मुख्यमंत्री असताना सत्तेचा गैरवापर करून दिशा सालियान प्रकरणाची फाइल बंद करण्यात आल्याचा आरोप केला. आता केंद्रीय अन्वेषण विभागाने (सीबीआय) या प्रकरणात नव्याने गुन्हा दाखल करून तपास सुरू केल्याचा संदर्भ देत राणा यांनी ‘दाल में बहुत कुछ काला है’ अशी टिप्पणी केली. दिशा सालियानच्या कुटुंबीयांना न्याय मिळेल, असा विश्वासही त्यांनी व्यक्त केला आहे. हे आरोप राणा यांच्या वक्तव्यापुरते असून, त्यांची सत्यता तपासातून स्पष्ट होणे बाकी आहे.
MPSC Student : एमपीएससीच्या कारभारावर विद्यार्थ्यांच्या ७ हजार सूचना; एकदाच शुल्क आकारण्याची मागणी
दरम्यान, मुंबई उच्च न्यायालयाच्या निर्देशानंतर सीबीआयने दिशा सालियान मृत्यू प्रकरणात एफआयआर दाखल केला आहे. २०२० मध्ये झालेल्या दिशा सालियान यांच्या मृत्यूच्या प्रकरणाचा तपास आता नव्या टप्प्यावर आला आहे. सीबीआयच्या एफआयआरमध्ये काही व्यक्तींची नावे नमूद असल्याचे वृत्त आहे; मात्र उच्च न्यायालयाच्या निर्देशानुसार केवळ नावाचा उल्लेख म्हणजे संबंधित व्यक्ती आरोपी ठरते, असे मानता येणार नाही. तपासातून उपलब्ध होणारे पुरावे आणि जबाब यावर पुढील दिशा अवलंबून राहणार आहे.
No Hawkers Zone : ‘नो हॉकर्स झोन’मधील अतिक्रमणांवर सोमवारपासून बुलडोझर!
या घडामोडींमुळे दिशा सालियान प्रकरण पुन्हा महाराष्ट्राच्या राजकीय चर्चेच्या केंद्रस्थानी आले आहे. एका बाजूला सत्तेचा गैरवापर करून तपास दडपल्याचा राणांचा आरोप, तर दुसऱ्या बाजूला संबंधितांकडून आरोप फेटाळण्याची भूमिका—यामुळे राजकीय वातावरण तापले आहे.
फाइल पुन्हा उघडली आहे, आरोपांची पानेही पुन्हा उलटली जात आहेत. आता या फाइलमध्ये नेमके काय आहे, हे राजकीय आरोप-प्रत्यारोप नव्हे, तर तपासातून समोर येणारे पुरावेच ठरवतील. तोपर्यंत मात्र ‘दाल में कुछ काला है’ या एका वाक्याने राजकीय चर्चेला चांगलीच फोडणी दिली आहे!
