pm-narendra-modi-asks-ministers-to-be-active-on-instagram-share-reels-cabinet-meeting : ‘इन्स्टाग्रामवर सक्रिय व्हा, रिल्सद्वारे जनतेपर्यंत पोहोचा’
Mumbai: पंतप्रधान नरेंद्र मोदी यांनी केंद्रीय मंत्रिमंडळाच्या बैठकीत मंत्र्यांना सोशल मीडियावर, विशेषतः इन्स्टाग्रामवर अधिक सक्रिय राहण्याचा सल्ला दिल्याची माहिती सूत्रांकडून समोर आली आहे. आजची तरुण पिढी मोठ्या प्रमाणावर सोशल मीडिया वापरत असल्याने सरकारच्या योजना, निर्णय आणि विकासकामांची माहिती अधिक प्रभावीपणे लोकांपर्यंत पोहोचवण्यासाठी रिल्स आणि लघु व्हिडिओंचा वापर करण्याचे आवाहन त्यांनी केल्याचे सांगितले जात आहे.
याच पार्श्वभूमीवर पंतप्रधान नरेंद्र मोदी यांनी सलग दुसऱ्या दिवशीही इन्स्टाग्रामवर एक व्हिडिओ शेअर केला. या व्हिडिओमध्ये त्यांनी त्यांच्या पहिल्या व्हिडिओला मिळालेल्या प्रतिसादाबद्दल नागरिकांचे आभार मानले असून, प्रेक्षकांकडून मिळणाऱ्या सूचना आणि अभिप्रायाचे स्वागत असल्याचेही म्हटले.
प्राप्त माहितीनुसार, मंत्रिमंडळाच्या बैठकीत पंतप्रधान नरेंद्र मोदी यांनी उपस्थित मंत्र्यांना इन्स्टाग्रामवर किती जण सक्रिय आहेत, असा प्रश्न विचारला. त्यानंतर त्यांनी सर्व मंत्र्यांनी सोशल मीडियावरील उपस्थिती वाढवावी आणि विशेषतः इन्स्टाग्रामवरील ‘रील्स’च्या माध्यमातून सरकारच्या विविध योजना, निर्णय आणि जनहिताच्या उपक्रमांची माहिती नागरिकांपर्यंत पोहोचवावी, असे सांगितले. तरुण मतदार आणि सोशल मीडिया वापरणाऱ्या नागरिकांपर्यंत थेट संवाद साधण्यासाठी डिजिटल माध्यमांचा प्रभावी वापर करण्यावर त्यांनी भर दिला.
Neet paper leak : नीट पेपरफुटी प्रकरणात केंद्राचे मोठे पाऊल; एनटीएचे ४७ अधिकारी बडतर्फ
आजच्या काळात तरुणांपर्यंत माहिती पोहोचवण्यासाठी सोशल मीडिया हे सर्वात प्रभावी माध्यम बनले आहे. त्यामुळे सरकारी कामकाज आणि धोरणांची माहिती पारंपरिक माध्यमांसोबतच डिजिटल प्लॅटफॉर्मवरही अधिक प्रभावीपणे मांडण्याची गरज असल्याचे पंतप्रधानांनी बैठकीत नमूद केल्याचे सांगितले जात आहे. यासाठी लघु व्हिडिओ, माहितीपूर्ण रिल्स आणि आकर्षक डिजिटल कंटेंट तयार करून अधिकाधिक लोकांपर्यंत पोहोचण्याचे प्रयत्न वाढवण्याच्या सूचना मंत्र्यांना देण्यात आल्याची माहिती आहे.
सूत्रांच्या माहितीनुसार, तरुणांपर्यंत प्रभावीपणे पोहोचण्यासाठी पंतप्रधान नरेंद्र मोदी यांनी स्वतः सोशल मीडियावर तयार केलेल्या व्हिडिओचाही बैठकीत उल्लेख केला. त्यानंतर त्यांनी आणखी एक व्हिडिओ इन्स्टाग्रामवर पोस्ट करत नागरिकांनी दिलेल्या प्रतिसादाबद्दल कृतज्ञता व्यक्त केली. या व्हिडिओमध्ये त्यांनी लोकांकडून येणाऱ्या सकारात्मक सूचना आणि अभिप्रायामुळे डिजिटल संवाद अधिक प्रभावी होत असल्याचे नमूद केले.
Deulgao raja Municipal council : शहर विकास आघाडी आक्रमक; मासिक सभेवर बहिष्कार, प्रवेशद्वारावर ठिय्या
अलीकडील काळात विविध सामाजिक आणि राजकीय घडामोडींमध्ये सोशल मीडियाची भूमिका अधिक महत्त्वाची ठरली आहे. विशेषतः तरुणांमध्ये इन्स्टाग्राम, यूट्यूब आणि इतर डिजिटल प्लॅटफॉर्मचा वापर मोठ्या प्रमाणावर वाढला आहे. या पार्श्वभूमीवर सरकारच्या योजना आणि निर्णय अधिक वेगाने जनतेपर्यंत पोहोचावेत, यासाठी मंत्र्यांनी सोशल मीडियाचा प्रभावी वापर करावा, असा संदेश पंतप्रधान नरेंद्र मोदी यांनी मंत्रिमंडळाच्या बैठकीत दिल्याची माहिती समोर आली आहे.
