Irregularities in roadworks funded through CSR to be investigated : पारस येथील औष्णिक विद्युत प्रकल्पावर मंत्र्यांचा शब्द
Akola पारस येथील औष्णिक विद्युत प्रकल्पाच्या (टीपीएस) सीएसआर निधीतून बांधल्या जात असलेल्या रस्त्याच्या कामात गैरव्यवहार झाल्याच्या आरोपांची चौकशी करण्यात येईल, असे ऊर्जा राज्य मंत्री मेघना बोर्डीकर यांनी विधानसभेत स्पष्ट केले. आमदार अमोल मिटकरी यांनी यासंदर्भातील तारांकित प्रश्न मांडला. त्यावरील चर्चेदरम्यान मंत्री बोर्डीकर यांनी ही माहिती दिली.
पारस गावातील टी पॉइंट ते बाळापूरदरम्यानचा रस्ता सीएसआर निधीतून बांधण्यात येत आहे. या मार्गावरून महानिर्मिती कंपनीमधील राखेची वाहतूक केली जाते. हा रस्ता बांधकामाधीन असताना २२ जुलै २०२५ रोजी झालेल्या अतिवृष्टीमुळे त्याचे नुकसान झाले होते. सध्या दुरुस्ती व बांधकामाचे काम प्रगतीपथावर असल्याचे मंत्रीांनी सांगितले.
ST Package Tour : सहा महिन्यांत एसटीच्या ‘पॅकेज टूर’ला भरघोस प्रतिसाद!
रस्त्याच्या कामाचा अंतिम चाचणी अहवाल अद्याप प्राप्त झालेला नसल्यामुळे, सार्वजनिक बांधकाम विभागाने तयार केलेल्या १४.५० कोटींच्या अंदाजपत्रकापैकी ७.१५ कोटी रुपये इतकी रक्कमच आतापर्यंत कंत्राटदारास देण्यात आली आहे. रस्त्याचा दर्जा समाधानकारक असल्याचे प्राथमिक निरीक्षणात दिसत असून कामात गैरव्यवहार झाल्याचे ठोस पुरावे अद्याप नसल्याचे बोर्डीकर यांनी नमूद केले.
Winter session : लाडक्या बहिणींना अडवणारे तुम्हीच! योजना बंद करण्यासाठी कोर्टात कोण गेले होते?
तथापि, सदस्यांच्या मागणीचा विचार करून संबंधित प्रकरणाची चौकशी करण्याचे आश्वासन त्यांनी दिले. यावेळी शासकीय कंत्राटदाराला ब्लॅकलिस्ट करण्याची तसेच मुख्य अभियंता, कार्यकारी अभियंता आणि कनिष्ठ अभियंत्यांवर कारवाई करण्याची मागणीही सदस्यांकडून करण्यात आली.
