america-washington-firing-white-house-correspondents-dinner-trump-safe : ‘व्हाईट हाऊस कॉरेस्पोंडेंट्स’कार्यक्रमातील घटना; सीक्रेट सर्व्हिसने सुरक्षित बाहेर काढले
Washington : अमेरिकेची राजधानी वॉशिंग्टन डीसी येथे आयोजित करण्यात आलेल्या व्हाईट हाऊस कॉरेस्पोंडेंट्स डिनर या उच्चप्रोफाइल कार्यक्रमादरम्यान अचानक झालेल्या गोळीबाराच्या घटनेमुळे मोठी खळबळ उडाली. या कार्यक्रमासाठी उपस्थित असलेले अमेरिकेचे राष्ट्राध्यक्ष डोनाल्ड ट्रम्प यांना यूएस सीक्रेट सर्व्हिसच्या जवानांनी तत्काळ सुरक्षित ठिकाणी हलवले. घटनेनंतर सुरक्षा यंत्रणांनी जलद कारवाई करत संशयित हल्लेखोराला अटक केली असून त्याची चौकशी सुरू आहे.
ही घटना वॉशिंग्टन हिल्टन हॉटेलमध्ये सुरू असलेल्या डिनर कार्यक्रमादरम्यान घडली. कार्यक्रमात सुमारे २६०० मान्यवर, पत्रकार आणि पाहुणे उपस्थित होते. गोळीबाराचा आवाज येताच कार्यक्रमस्थळी एकच गोंधळ उडाला आणि अनेकांनी आपला जीव वाचवण्यासाठी टेबलखाली आसरा घेतला. हॉटेलमधील कर्मचारी आणि वेटर्स यांनीही तातडीने सुरक्षित भागाकडे धाव घेतली.
Vikas Thakre : मनपाचा कचरा घोटाळा : दंड वसूल केलेल्या रकमेच्या दुप्पट रक्कम कंत्राटदारांच्या झोळीत
गोळीबार बॉलरूमच्या वरच्या मजल्यावरील एका खोलीत झाल्याचे प्राथमिक तपासात समोर आले आहे. आवाज ऐकताच सीक्रेट सर्व्हिसच्या जवानांनी तातडीने राष्ट्राध्यक्ष डोनाल्ड ट्रम्प यांना सुरक्षा कवच देत कार्यक्रमस्थळावरून बाहेर काढले. या वेळी उपराष्ट्राध्यक्ष जेडी वेंस आणि त्यांची पत्नी तसेच मेलानिया ट्रम्प यांनाही सुरक्षितपणे बाहेर हलवण्यात आले.
घटनेनंतर संपूर्ण हॉटेल परिसराला सुरक्षा यंत्रणांनी वेढा घातला असून सर्व उपस्थितांना बाहेर काढण्यात आले. प्रत्येक सीसीटीव्ही फुटेजची तपासणी सुरू असून हल्लेखोराच्या हेतूबाबत अधिक माहिती गोळा केली जात आहे. या घटनेला सुरक्षा व्यवस्थेतील मोठी त्रुटी मानले जात आहे.
घटनेनंतर राष्ट्राध्यक्ष डोनाल्ड ट्रम्प यांनी त्यांच्या सोशल मीडिया प्लॅटफॉर्मवर प्रतिक्रिया देताना सुरक्षा यंत्रणांच्या तत्परतेचे कौतुक केले. त्यांनी नमूद केले की, ही संध्याकाळ अपेक्षेप्रमाणे पार पडली नाही आणि कार्यक्रम पुन्हा आयोजित करण्याची गरज भासू शकते. सध्या सर्व निर्णय सुरक्षा यंत्रणांच्या सल्ल्यानुसार घेतले जातील.
Nitin Gadkari : ‘२४/७’ पाणी योजनेवरून गडकरी पुन्हा बरसले, प्रशासनावर व्यक्त केला संताप
दरम्यान, यूएस सीक्रेट सर्व्हिस आणि इतर सुरक्षा संस्थांनी परिस्थिती पूर्णतः नियंत्रणात आणल्याचे सांगितले असून राष्ट्राध्यक्षांसह सर्व मान्यवर सुरक्षित असल्याची माहिती अधिकृतरीत्या देण्यात आली आहे.
